Kapahayagan 13:15 - Marahay na Bareta Biblia

¹⁵ Tinugotan an ikaduwang hayop na tawan nin hinangos an ladawan kan enot na hayop tanganing makapagtaram iyan asin gadanon kaiyan an gabos na dai minasamba diyan.

Kapahayagan 13:15 ပူးပေါင်းရင်းမြစ်များ

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

Salmo 115:5

Igwang mga ngoso, alagad dai nakakataram; igwang mga mata, alagad dai nakakamaan.

Jeremias 10:14

Sa paghiling kaiyan, namamatean nin mga tawo na sinda mangmang saka mayo nin pakaaram. Napapasopog an lambang panday na naggigibo nin mga dios-dios huli ta an mga dios ninda bakong totoo asin mayo nin buhay.

Jeremias 10:5

An mga dios-dios na siring kaiyan garo pantakot sa mga gamgam sa oma; dai iyan nakakataram; kaipuhan pasanon sinda huli ta dai sinda nakakalakaw. Dai kamo matakot sainda huli ta dai sinda makakagibo nin maraot, ni makakagibong marahay.”

Jeremias 51:17

Sa atubang kaini, mamamatean nin tawo na siya sarong mangmang saka mayo nin pakaaram; mapapasopog an lambang panday na naggigibo nin mga ladawan, huli ta an mga dios-dios niyang ini bakong totoo saka mayo nin buhay.

Daniel 7:20

Boot ko man maaraman an dapit sa nagtungang sadit na sungay na nagpatumba kan tolong sungay. Igwa ini nin mga mata saka ngoso na nagtataram nin kapaabaw-abawan. Makangirhat ini ki sa ibang mga sungay.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Habakkuk 2:19

Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.

Santiago 2:26

Kaya kun gadan an hawak na suhay sa espiritu, gadan man an pagtubod na dai nahihiling sa gibo.

Kapahayagan 13:1

Dangan nahiling ko an sarong hayop na nagbubutwa sa dagat. May sampolong sungay idto saka pitong payo. Igwa nin korona an lambang sungay; asin sa lambang payo may nakasurat na ngaran na naglalanghad sa Dios.

Kapahayagan 13:12

Ginamit niya an gabos na awtoridad kan enot na hayop. Pinirit niya an daga asin an gabos na nag-eerok diyan na magsamba sa enot na hayop na an lugad na ikakagadan narahay na.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”

Kapahayagan 14:9

May nagsunod naman na ikatolong anghel na nagtaram sa makosog na tingog, “An siisay man na magsamba sa hayop asin sa ladawan kaiyan, dangan mag-ako kan marka sa saiyang angog o sa saiyang kamot,

Kapahayagan 16:2

Nagduman an enot na anghel saka inula sa daga an nasa saiyang mangko. An mga tawong may marka kan hayop saka an mga nagsamba sa ladawan kaiyan, linuwasan nin makangingirhat saka makukulog na mga gatok.

Kapahayagan 16:5

Nadangog kong nagsabi an anghel na namamahala kan katubigan, “Matanos ka sa mga paghukom mong ini, O Banal, na iyo ngunyan asin kaidto!

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 17:17

Huli ta itinanom nin Dios sa mga puso ninda an pag-otob kan saiyang katuyohan, sa paagi kan pagkasararo ninda asin kan pagtao ninda kan saindang kapangyarihan sa hayop na magsakop sagkod na maotob an mga tataramon nin Dios.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:24

Pinadusahan an Babilonia huli ta sa saiya pinabulos an dugo kan mga propeta asin kan mga banal patin kan gabos na ginadan sa ibabaw kan daga.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.