Kapahayagan 12:8 - Marahay na Bareta Biblia

⁸ Nadaog an dragon asin an mga anghel niya kaya pinahale na sinda sa langit.

Kapahayagan 12:8 ပူးပေါင်းရင်းမြစ်များ

An Libro ni Job 20:9

Mawawara siya sa lugar na dati niyang erokan;

An Libro ni Job 7:10

dai na siya nakakabalik sa saiyang harong, ni nagigiromdoman kan lugar na saiyang dinakulaan.

An Libro ni Job 8:18

Alagad kun bulnoton mo sinda, mayo nin makakaaram na yaon sinda duman kaidto.

Salmo 129:2

“Makuri akong pinasakitan kan sakong mga kaiwal poon kan ako aki pa, alagad dai ninda ako nadaog.

Salmo 13:4

Hare pagtugot na magsabi an sakong mga kaiwal, “Nadaog mi siya.” Hare pagtugot na mag-ogma sinda huli ta ako nadaog.

Salmo 37:10

Dai mahahaloy mapapara an maraot; maski hanapon mo siya sa saiyang lugar, mayo siya duman;

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mga Gibo 1:25

na masalihid sa paglingkod na ini asin sa pagkaapostol na binayaan ni Judas tanganing magduman sa lugar na angay saiya.”

Judas 1:6

Giromdoma nindo an mga anghel na dai nagdanay sa laog kan saindang kapangyarihan kundi nagbaya kan sadiri nindang erokan: ginapos sinda nin Dios kan kadenang dai nanggad napapatod saka ibinilanggo sinda sa madiklom na lugar sa ibaba sagkod sa dakulang Aldaw nin Paghukom.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Kapahayagan 12:7

Dangan nagkaigwa nin ralaban sa langit. Si Miguel saka an saiyang mga anghel nakipaglaban sa dragon saka sa mga anghel kaini.

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.