Kapahayagan 12:12 - Marahay na Bareta Biblia

¹² Kaya mag-ogma kamo, kalangitan asin kamo gabos na nag-eerok diyan! Alagad herak man saindo, o daga asin dagat! Huli ta yaon na diyan saindo an Diablo; anggot siya nin makuri, huli ta aram niyang halipot na sana an panahon na natatada para saiya.”

Kapahayagan 12:12 ပူးပေါင်းရင်းမြစ်များ

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Hebreyo 10:37

Huli ta nasasabi sa kasuratan, “Dikit na sanang panahon, siya na madigdi maabot na; dai siya mag-aabala.

2 Pedro 3:8

Namomotan kong mga tugang, dai nindo paglingawan an katotoohan na ini: na sa Kagurangnan, an sarong aldaw kabaing sa sangribong taon; asin an sangribong taon siring sa sarong aldaw.

Kapahayagan 10:6

asin nagsumpa sa ngaran nin Dios na buhay sagkod pa man, an naglalang kan langit, daga, dagat saka kan gabos na yaon diyan. Nagsabi an anghel, “Dai na mahahaloy!

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

Kapahayagan 11:14

An ikaduwang pasakit nakaagi na, alagad madali nang mag-abot an ikatolong pasakit!

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 13:6

Naglanghad mananggad siya sa Dios asin sa ngaran saka erokan nin Dios sagkod sa gabos na yaon sa langit.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 8:13

Dangan naghiling ako asin nadangog ko an sarong agila na nagtataram sa makosog na tingog, mantang naglalayog iyan sa kaitaasan, “Herak man! Herak man sa gabos na nag-eerok sa daga kun patanogon na an mga trompeta kan tolo pang anghel!”

Kapahayagan 9:12

An enot na pasakit nakaagi na; may duwa pang maabot.