Kapahayagan 11:4 - Marahay na Bareta Biblia

⁴ An duwang saksing ini iyo an duwang kahoy na oliba asin an duwang kandelero na yaon sa atubang kan Kagurangnan kan daga.

Kapahayagan 11:4 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

Salmo 52:8

Alagad ako kabaing sa kahoy nin oliba sa harong nin Dios. Nagsasarig ako sa danay niyang pagkamoot sa panahon na daing kasagkoran.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 11:16

Inapod ko sinda kaidto na sarong madahon na kahoy na oliba, na pano nin magagayon na bunga; alagad ngunyan sa sarong hagubohob na garo daguldol, susuloon ko an mga dahon kaiyan saka puputolon ko man an mga sanga.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Lukas 11:33

“Mayo nin minapagkot nin ilawan dangan tinatago o tinatahoban, kundi ibinubugtak iyan sa talagang bugtakan tanganing an liwanag mahiling kan mga tawong minalaog.

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Roma 11:17

Pinurutol an ibang sanga kan tunay na oliba, dangan an sarong sanga kan olibang layas isinugpon sa hawak kan tunay na oliba. Ngunyan an sangang isinugpon nabubuhay sa tagok na hale sa mga gamot kan tunay na oliba. Kamong mga pagano arog kan olibang layas; ngunyan kahiras kamo sa tagok kan mga Judio.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Kapahayagan 1:20

An kahulogan kan pitong bitoon na nahihiling mo sa too kong kamot, saka ining pitong kandelerong bulawan iyo ini: an pitong bitoon iyo an mga anghel kan pitong simbahan; an pitong kandelero iyo an pitong simbahan.