Kapahayagan 11:18 - Marahay na Bareta Biblia

¹⁸ Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 11:18 ပူးပေါင်းရင်းမြစ်များ

Salmo 103:11

Siring na an langit halangkaw sa daga, an danay niyang pagkamoot dakula para sa mga may pagkatakot saiya.

Salmo 110:5

Yaon sa too mo an Kagurangnan; an mga hade dadaogon niya, kun siya maanggot.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 2:5

Dangan sa kaanggotan, sinda saiyang pinatanidan, asin pinatakot sinda sa saiyang labi-labing kaanggotan.

Salmo 85:9

Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Daniel 11:44

Dangan matatakot siya sa baretang hale sa sirangan saka amihan, asin makikilaban siya nin marahay, patin gagadanon niya an dakul na tawo.

Daniel 7:26

Dangan matukaw an langitnon na korte sa paghukom, sa paghale kan saiyang kapangyarihan, asin sa pagraot saiya sagkod lamang.

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Mateo 5:12

Arog man kaini an ginibo sa mga propetang naenot saindo. Orog na mag-ogma kamo, ta dakula an balos saindo sa langit.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Hebreyo 9:27

Itinalaan na sarong beses sana magadan an lambang tawo, dangan an paghukom.

Kapahayagan 10:7

Sa oras na patanogon na kan ikapitong anghel an trompeta niya, maootob na an hilom na plano nin Dios, siring sa ipinahayag niya sa saiyang mga sorogoon na propeta.”

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

Kapahayagan 13:16

Pinirit man kan hayop an gabos na tawo, sadit man o dakula, mayaman o dukha, oripon o talingkas, na markahan an saindang toong kamot o an saindang angog.

Kapahayagan 14:10

mainom kan arak nin kaanggotan nin Dios—na mayong salak na ibinubo sa kopa nin saiyang kaanggotan. Papasakitan siya sa kalayo saka sa asupre sa atubang kan banal na mga anghel asin kan Kordero.

Kapahayagan 15:1

Dangan nakahiling ako nin sarong dakula asin makangalas na tanda sa langit: pitong anghel na may darang pitong peste. Ini an mga huring peste na nagpapahiling kan makuring kaanggotan nin Dios.

Kapahayagan 15:7

Tinawan sinda kan saro kan apat na buhay na linalang nin tigsararong mangkong bulawan na pano kan makuring kaanggotan nin Dios, na nabubuhay sagkod pa man.

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Kapahayagan 19:18

Madya, kakana nindo an laman kan mga hade, mga heneral saka mga soldados, an laman nin mga kabayo sagkod kan mga nangangabayo, saka an laman kan gabos na tawo, oripon o talingkas, sadit o dakula!”

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 22:12

“Hinanyoga ako!” an sabi ni Jesus. “Madali na akong umabot! Dara ko an mga premyo na itatao ko sa lambang saro sosog sa saiyang ginibo.