Kapahayagan 11:12 - Marahay na Bareta Biblia

¹² Nakadangog an duwang propeta nin makosog na tingog hale sa langit na nagsabi sainda, “Sakat kamo digdi!” Mantang naghihiling an saindang mga kaiwal, nagsakat sa langit an duwang propeta na nakalunad sa sarong panganoron.

Kapahayagan 11:12 ပူးပေါင်းရင်းမြစ်များ

2 Mga Hade 2:1

Nag-abot an panahon tanganing kuahon nin Kagurangnan si Elias sa paagi nin aripuros. Naghale sa Gilgal si Elias saka si Eliseo,

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

2 Mga Hade 2:5

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo, “Alagad mag-alo sana kamo.”

2 Mga Hade 2:7

asin singkwenta kan mga propeta an nagsunod sainda pasiring sa Jordan. Nag-ontok si Elias saka si Eliseo sa tampi kan salog, asin nagtindog sa horoharayo an singkwentang propeta.

Salmo 112:10

Nahihiling ini kan mga maraot asin naaanggot; minaparagot kan saindang mga ngipon dangan minahale; an saindang mga paglaom nawawara sagkod pa man.

Salmo 15:1

Kagurangnan, siisay an pwedeng maglaog sa saimong Templo? Siisay an pwedeng magsamba sa Sion, an banal mong bulod?

Salmo 24:3

Siisay an matukad sa bulod nin Kagurangnan? Siisay an matindog sa banal niyang erokan?

Salmo 86:17

Kagurangnan, pahilingan sako an tanda kan saimong pagkamaheherakon, tanganing masopog an mga anggot sako, kun mahiling ninda na rinaranga asin tinatabangan mo ako.

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 60:8

Anong mga sakayan ini na naglalayag siring sa mga panganoron, arog sa mga salampati na nagpupuli sa saindang harong?

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Mga Gibo 1:9

Pakataram niya kaini, isinakat siya sa langit mantang naghihiling sinda saiya; dangan nalipodan siya nin panganoron.

1 Tesalonica 4:17

Dangan kita na mga buhay pa pag-abot kan panahon na iyan, dadarahon paitaas kaiba ninda sa mga panganoron tanganing sabaton sa itaas an Kagurangnan. Asin magdadanay na kitang kaiba kan Kagurangnan.

Kapahayagan 12:5

An babae nangaki nin lalaki na iyo an maghahade sa gabos na nasyon na may kapot na pamakol na lansang. Alagad inagaw an aki dangan dinara sa Dios asin sa saiyang trono.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

Kapahayagan 4:1

Pakatapos kaini, ibang bisyon naman an nahiling ko. Nahiling ko an sarong bukas na pintoan sa langit. Nadangog ko giraray an tingog na garo trompeta na nagtaram sako kan enot. Ini an sabi, “Sumakat ka digdi ta ipapahiling ko saimo an mga mangyayari pakatapos kaini.”