Kapahayagan 10:6 - Marahay na Bareta Biblia

⁶ asin nagsumpa sa ngaran nin Dios na buhay sagkod pa man, an naglalang kan langit, daga, dagat saka kan gabos na yaon diyan. Nagsabi an anghel, “Dai na mahahaloy!

Kapahayagan 10:6 ပူးပေါင်းရင်းမြစ်များ

Genesis 14:22

Nagsimbag si Abram, “Sa atubang nin Kagurangnan, an Kahorohalangkaweng Dios, kaggibo kan langit asin daga, minasumpa ako

Exodo 20:11

Huli ta sa anom na aldaw ginibo ko an daga, an langit, an kadagatan sagkod an gabos na yaon diyan, alagad sa ikapitong aldaw, nagpahingalo ako. Kaya benendisyonan ko an Sabbath asin pinabanal iyan.

Exodo 6:8

Dadarahon ko kamo sa dagang ipinanuga ko ki Abraham, ki Isaac, asin ki Jacob; itatao ko iyan saindo bilang saindong sadiring rogaring. Ako an Kagurangnan.’”

Ezekiel 20:5

Sabihan mo sinda kan itinataram ko. Kan pilion ko an Israel, nanuga ako sainda. Nagpamidbid ako sainda sa Egipto asin tinaraman ko sinda: Ako an Kagurangnan na saindong Dios.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Mga Bilang 14:30

an makakalaog sa daga na ipinanuga kong paeerokan saindo, pwera ki Caleb saka ki Josue.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 12:12

Kaya mag-ogma kamo, kalangitan asin kamo gabos na nag-eerok diyan! Alagad herak man saindo, o daga asin dagat! Huli ta yaon na diyan saindo an Diablo; anggot siya nin makuri, huli ta aram niyang halipot na sana an panahon na natatada para saiya.”

Kapahayagan 16:17

Inula sa doros kan ikapitong anghel an nasa saiyang mangko. May makosog na tingog hale sa trono duman sa templo na nagsabi, “Natapos na!”

Kapahayagan 21:6

Dangan nagsabi siya, “Natapos na! Ako an Alfa asin an Omega; ako an kapinonan asin an kataposan. An siisay man na napapaha, mayong bayad na papainomon ko hale sa burabod nin tubig na nagtatao nin buhay.

Kapahayagan 4:10

an beynte y kwatrong kamagurangan minaluhod dangan minasamba sa atubang kan nagtutukaw sa trono, na nabubuhay sagkod pa man. Ibinubugtak ninda sa atubangan kan trono an saindang mga korona saka minaawit:

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”

Kapahayagan 4:9

Sa lambang pag-awit kaining apat na buhay na linalang kan mga awit nin pagpamuraway, pag-omaw, saka pagpasalamat duman sa atubangan kan nagtutukaw sa trono na nabubuhay sagkod pa man,

Kapahayagan 6:11

An lambang saro sainda tinawan nin puting gubing, dangan sinabihan na maghalat nin dikit pang panahon, sagkod na mabilog an bilang kan saindang kapwa mga sorogoon saka mga tugang na gagadanon man siring sainda.