Kapahayagan 10:10 - Marahay na Bareta Biblia

¹⁰ Kinua ko sa kamot niya an sadit na libro saka kinakan ko. An namit kaiyan mahamis mananggad sa sakong ngoso siring sa dugos, alagad kan halonon ko na, nagin mapait sa laog kan sakong tulak.

Kapahayagan 10:10 ပူးပေါင်းရင်းမြစ်များ

Salmo 104:34

Mawilihan niya logod an sakong awit, huli ta yaon saiya an sakong kaogmahan.

Salmo 119:103

Mahamis na gayo an saimong mga katukdoan— orog na mahamis ki sa dugos sa sakong ngoso!

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Mga Talinhaga 16:24

An marahay na mga tataramon nakakaagid sa dugos—mahamis sa pagnamit asin marahay sa hawak.

Ezekiel 2:10

Binukasan kan kamot an libro asin nahiling ko na an mag-ibong kaini pano nin surat—nasusuratan ini nin mga panambitan, mga pagmondo, asin mga pag-agrangay.

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Ezekiel 3:3

Nagsabi siya, “Aki nin tawo, kakanon mo an librong ini na itinatao ko saimo; magpakabasog ka kaini.” Kinakan ko an libro asin nanamitan kong arog ini kahamis sa dugos.

Kapahayagan 10:11

Dangan sinabihan pa ako, “Kaipuhan ipahayag mo giraray an mensahe nin Dios dapit sa dakul na nasyon, rasa, lengwahe saka mga hade.”

Kapahayagan 10:9

Duminolok ako sa anghel saka hinagad ko saiya an sadit na libro. Sinabihan niya ako, “Kuaha saka kakana iyan. Magigin mapait iyan sa laog kan saimong tulak, alagad mahamis siring sa dugos sa laog kan saimong ngoso.”