Judas 1:9 - Marahay na Bareta Biblia

⁹ Maski si Miguel na Arkanghel dai nangahas na hatolan an Diablo kan nakikiiwal siya digdi dapit sa bangkay ni Moises, kundi nagsabi sana siya, “Sagweon ka logod kan Kagurangnan!”

Judas 1:9 ပူးပေါင်းရင်းမြစ်များ

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

Exodo 22:28

“Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Daniel 10:13

Kinalaban ako sa laog nin beynte y unong aldaw kan anghel na nagsusurog kan kahadean nin Persia. Alagad tinabangan ako ni Miguel, saro kan mga pamayong anghel, huli ta nagsosolo ako duman sa Persia.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Zacarias 3:2

Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Markos 15:29

Pinagtuya-tuya siya kan mga nag-aragi, na nagtatango-tango na nagsarabi, “Gagabaon mo an Templo asin papatindogon sa laog nin tolong aldaw!

Deuteronomio 34:6

Ilinubong siya nin Kagurangnan duman sa sarong kapantayan sa Moab, kahampang kan banwaan nin Bet-peor, alagad mayo nin nakakaaram kan lugar na pinaglubongan saiya sagkod ngunyan.

1 Tesalonica 4:16

Ikukurahaw an pagboot, madadangog an tingog kan arkanghel, matanog an trompeta nin Dios asin kadungan kaiyan, mahilig hale sa langit an Kagurangnan. An mga nagkagaradan ki Cristo an enot na bubuhayon liwat.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

2 Pedro 2:11

Mantang an mga anghel na mas makosog saka mas mapangyari ki sa sainda, dai nangahas na magsumbong sainda na may pagtuya-tuya sa atubang nin Kagurangnan;

Kapahayagan 12:7

Dangan nagkaigwa nin ralaban sa langit. Si Miguel saka an saiyang mga anghel nakipaglaban sa dragon saka sa mga anghel kaini.