Juan 8:21 - Marahay na Bareta Biblia

²¹ Sinabihan pa sinda ni Jesus, “Mahale ako; hahanapon nindo ako, alagad magagadan kamo sa saindong mga kasalan. Dai kamo makakaduman sa dudumanan ko.”

Juan 8:21 ပူးပေါင်းရင်းမြစ်များ

1 Mga Hade 18:10

Sa ngaran kan buhay na Kagurangnan na saimong Dios, minasumpa ako na ipinahanap ka kan hade sa lambang daga sa kinaban. Kun an pamayo kan daga minapahayag na mayo ka na sa saiyang daga, pinapasumpa ni Ahab an pamayong idto na dai ka mananggad manumpongan.

An Libro ni Job 20:11

Dating hoben saka makosog an saiyang hawak, alagad madali na iyan na magin alpog.

Mga Talinhaga 11:7

Kun nagagadan an maraot, an saiyang paglaom nagagadan kaiba niya. An pagsarig sa kayamanan nawawaraan nin halaga.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Isaias 65:20

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Mateo 23:39

Sinasabihan taka, dai mo na ako mahihiling giraray sagkod na dai ka minasabing, ‘Paladan an minadatong sa ngaran nin Kagurangnan.’”

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Mateo 25:46

Kaya an mga ini isusubol sa daing kataposan na padusa, alagad an mga matanos maduman sa buhay na daing kataposan.”

Juan 12:33

Sinabi niya ini nganing ipahayag kun paano siya magagadan.)

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 13:33

Mga aki ko, dikit na sanang panahon akong makakaiba nindo. Hahanapon nindo ako; alagad sinasabi ko saindo ngunyan an sinabi ko sa mga Judio, ‘Dai kamo makakaduman sa padudumanan ko.’

Juan 7:34

Hahanapon nindo ako, alagad dai nindo ako makukua; huli ta dai kamo makakaduman sa dudumanan ko.”

Juan 7:36

Ano an boot sabihon kan sinabi niyang, ‘Hahanapon nindo ako, alagad dai nindo ako makukua, huli ta dai kamo makakaduman sa dudumanan ko’?”

Juan 8:24

Kaya sinabi ko saindo na magagadan kamo sa saindong mga kasalan. Kun dai kamo magtubod na talagang ‘Ako Iyo Ako,’ magagadan kamo sa saindong mga kasalan.”

Efeso 2:1

Binuhay niya kamo kan gadan pa kamo huli kan saindong kasombikalan saka mga kasalan.