Juan 6:38 - Marahay na Bareta Biblia

³⁸ huli ta naghilig ako hale sa langit nganing gibohon an kabotan kan nagsugo sako, bakong an kabotan ko.

Juan 6:38 ပူးပေါင်းရင်းမြစ်များ

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Mateo 20:28

arog kan Aki nin Tawo, na dai nagdigdi tanganing paglingkodan kundi tanganing maglingkod, asin idusay an buhay niya tanganing matubos an dakul na tawo.”

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Juan 3:17

Huli ta dai sinugo nin Dios sa kinaban an saiyang Aki tanganing hukoman an kinaban, kundi tanganing ikaligtas ini sa paagi niya.

Juan 3:31

An naggikan sa itaas nangongorog sa gabos; an gikan sa daga taga daga, asin an itinataram niya mga bagay dapit sa daga. Alagad an naggikan sa langit nangongorog sa gabos.

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Juan 5:19

Sinabihan sinda ni Jesus, “Sa katotoohan sinasabihan ko kamo, mayong ginigibo an Aki sa sadiri niyang kabotan; an ginigibo niya sana iyo idtong nahihiling niyang ginigibo kan Ama. Kun ano an ginigibo kan Ama, iyo man an ginigibo kan Aki.

Juan 5:30

“Sa sadiri kong kapangyarihan mayo akong magiginibo. Naghuhukom ako sosog sana sa itinataram sako nin Dios, kaya an paghukom ko matanos; dai ko ginigibo an kabotan ko kundi an kabotan kan nagsugo sako.

Juan 6:29

Nagsimbag si Jesus, “An ipinapagibo saindo nin Dios iyo ini: magtubod kamo sa sinugo niya.”

Juan 6:33

Huli ta an tinapay nin Dios iyo an naghilig hale sa langit na nagtatao nin buhay sa kinaban.”

Juan 6:42

Nagsabi sinda, “Bakong iyo ini si Jesus na aki ni Jose? Midbid ta an saiyang ama asin ina. Ano ta nagsasabi siyang hale siya sa langit?”

Juan 6:57

An buhay na Ama an nagsugo sako; asin nabubuhay ako huli saiya. Kaya an magkakan sako mabubuhay huli sako.

Roma 15:3

Huli ta si Cristo dai naggibo kan ikakaogma niya, kundi siring sa nasusurat, “An mga pagduhagi saimo minahugpa sako.”

Efeso 4:9

Ngunyan, ano an kahulogan kan “nagsakat siya”? An boot sabihon, naghilig ngona siya sa pinakairarom kan daga.

Hebreyo 5:8

Maski Aki siya nin Dios nakanood siyang magin makinuyog-kuyog sa paagi kan saiyang mga pagtios.