Juan 6:31 - Marahay na Bareta Biblia

³¹ An samong mga ginikanan nagkakan nin manna sa kalangtadan siring sa nasusurat, ‘Tinawan niya sinda nin tinapay na hale sa langit!’”

Juan 6:31 ပူးပေါင်းရင်းမြစ်များ

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Nehemias 9:20

Sa saimong pagkamarahayon tinukdoan mo sinda; pinakakan mo sinda nin manna asin tinawan mo nin tubig na inomon.

Salmo 105:40

Naghagad sinda, asin an Dios nagpadara nin mga pugo; tinawan niya sinda nin dakul na tinapay hale sa langit.

Exodo 16:35

Sa laog nin kwarentang taon, manna an kinakan kan mga Israelita sagkod na nakaabot sinda sa daga nin Canaan. (

Juan 6:32

Sinabihan sinda ni Jesus, “Sa katotoohan sinasabihan ko kamo, bakong si Moises an nagtao saindo kan tinapay na hale sa langit; an sakuyang Ama iyo an nagtatao saindo kan tunay na tinapay hale sa langit.

Juan 6:49

An saindong mga ginikanan nagkakan kan manna sa kalangtadan, asin nagkagaradan sinda.

Juan 6:58

Iyo ini an tinapay na naghilig hale sa langit. An magkakan kaini mabubuhay sagkod pa man! Bako ining arog kaidtong kinakan kan saindong mga ginikanan na nagkagaradan.”

1 Corinto 10:3

Nagkakan sinda gabos kan parehong kakanon na espiritwal,

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.

Josue 5:12

Pakakakan ninda kan pagkakan na hale sa Canaan, dai na nag-uran nin manna asin dai na sinda nagkaigwa kaini. Kaya an pagkakan sa Canaan iyo na an nagin pagkakan ninda.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.