Juan 5:38 - Marahay na Bareta Biblia

³⁸ An saiyang tataramon dai nagdadanay saindo, huli ta dai kamo minatubod sako na sinugo niya.

Juan 5:38 ပူးပေါင်းရင်းမြစ်များ

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Juan 1:11

Nag-abot siya sa sadiri niyang banwa, alagad dai siya inako kan mga tawong sadiri niya.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 8:37

Aram kong kapagarakian kamo ni Abraham. Alagad boot nindo akong gadanon, huli ta habo kamo kan sakong katukdoan.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

1 Juan 2:14

Sinusuratan ko kamo, mga aki, huli ta midbid nindo an Ama. Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta kamo makokosog asin an tataramon nin Dios nagdadanay saindo patin dinaog nindo an Maraot.