Juan 5:21 - Marahay na Bareta Biblia

²¹ Siring na binubuhay liwat kan Ama an mga gadan, siring man bubuhayon kan Aki an boot niyang buhayon.

Juan 5:21 ပူးပေါင်းရင်းမြစ်များ

1 Mga Hade 17:21

Tolong beses na dinapaan ni Elias an aking lalaki asin namibi, “O Kagurangnan na sakong Dios, itugot mong mabuhay giraray an aking ini!”

2 Mga Hade 5:7

Kan mabasa kan hade nin Israel an surat, ginisi niya an saiyang gubing huli sa dakulang takot dangan nagsabi, “Tano ta pinaglalaoman ako kan hade nin Siria na bolongon an lalaking ini? Ano Dios ako na igwa nin kapangyarihan sa buhay asin sa kagadanan? Malinaw na naghahanap siya nin dahelan tanganing iwalon ako!”

Juan 11:25

Nagsabi si Jesus, “Ako an pagkabuhay-liwat asin an buhay. An nagtutubod sako, maski siya magadan, mabubuhay;

Juan 17:2

Huli ta tinawan mo an Aki nin kapangyarihan sa gabos na tawo, tanganing magtao nin buhay na daing kataposan sa gabos na itinao mo saiya.

Juan 6:63

An Espiritu iyo an nagtatao nin buhay; dai ini magigibo kan laman. An mga ipinagtaram ko saindo, Espiritu asin buhay.

Mga Gibo 26:8

Tadaw ta dai kamo minatubod na binubuhay liwat nin Dios an gadan?

Roma 8:11

Kun nag-eerok saindo an Espiritu nin Dios na iyo an nagbuhay liwat ki Jesus, an Dios man na iyan an matao nin bagong buhay sa saindong mga hawak na magagadanon sa paagi kan saiyang Espiritu na nag-eerok saindo.

1 Corinto 15:45

Nasasabi sa kasuratan, “Si Adan, an enot na tawo, linalang na tinawan nin buhay”; alagad an huring Adan, sarong Espiritu na nagtatao nin buhay.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.