Juan 21:17 - Marahay na Bareta Biblia

¹⁷ Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Juan 21:17 ပူးပေါင်းရင်းမြစ်များ

2 Samuel 7:20

Ano pa an masasabi ko sa saimo? Midbid mo ako, na saimong sorogoon, O Kagurangnan Dios!

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Cronica 17:18

Ano pa an masasabi ko saimo huli kan ginibo mong pag-omaw sa saimong sorogoon? Midbid mo ako nin marahay.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Mga Panambitan 3:33

An pagpapasakit o an pagpapamondo sato dai niya nawiwilihan.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Markos 14:72

Kan oras na iyan nagturaok nin ikaduwang beses an manok; naromdoman ni Pedro an sinabi saiya ni Jesus, “Bago magturaok nin duwang beses an manok, tolong beses kang manegar sako.” Sa paghorop-horop niya kaini nagtangis siya nin makuri.

Juan 12:8

Danay na nasa kaibahan nindo an mga dukha, alagad bako akong danay na kaiba nindo.”

Juan 13:38

Sinimbag siya ni Jesus, “Idudusay mo an saimong buhay para sako? Sa katotoohan sinasabihan taka, bago magturaok an manok, tolong beses mo akong nenegaran.”

Juan 14:15

“Kun namomotan nindo ako, kukuyogon nindo an sakong mga togon.

Juan 15:10

Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.

Juan 16:30

Nasasabotan na nyamo ngunyan na aram mo an gabos na bagay; dai na kaipuhan na hapoton ka pa nin siisay man. Huli kaini minatubod kami na gikan ka sa Dios.”

Juan 18:27

Pinagnegaran man ini ni Pedro; asin tolos na nagturaok an manok.

Juan 18:4

Aram ni Jesus an gabos na mangyayari saiya, kaya sinabat niya sinda saka hinapot, “Siisay an hinahanap nindo?”

Juan 21:18

Sa katotoohan sinasabihan taka: kan hoben ka pa, nagsadiri kang maghagkos dangan minaduman ka saen man na boot mo; alagad kun gurang ka na, uunaton mo an mga kamot mo dangan iba an mahagkos saka madara saimo sa habo mong dumanan.” (

Juan 4:16

Sinabihan siya ni Jesus, “Apoda an agom mo asin balik digdi.”

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

Mga Gibo 11:10

Tolong beses ining nangyari; dangan an bagay na idto ibinalik sa langit.

Mga Gibo 15:8

An Dios na nakakaaram kan puso nin tawo nagpatunay na inako niya sinda kan itao niya sainda an Espiritu Santo, siring na tinawan man niya kita kaiyan.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

Josue 22:22

“An Mapangyari iyo an Dios! Siya iyo an Kagurangnan! An Mapangyari iyo an Dios! Siya iyo an Kagurangnan! Aram niya kun tano ta ginibo mi ini, asin boot mi man na makaaram kamo. Kun kami nagtumang asin dai nagin maimbod sa Kagurangnan, gadana nindo kami!

1 Pedro 1:6

Ipag-ogma nindo ini maski kamo nasasakitan sa kadikit na oras huli kan mga manlaen-laen na pagbalo,

2 Pedro 3:1

Namomotan kong mga tugang, ini an ikaduwang surat na ipinapadara ko saindo. Sa duwa kong surat, hiningowa kong pukawon saindo an malinig na pag-isip huli sa pagpagiromdom saindo kan mga bagay na ini.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.