Juan 20:15 - Marahay na Bareta Biblia

¹⁵ Hinapot siya ni Jesus, “Babae, tadaw ta nagtatangis ka? Siisay an hinahanap mo?” Sa paghona na siya an hardinero, nagsabi si Maria saiya, “Kun kinua mo siya, sabihi ako kun saen mo siya ibinugtak ta kukuahon ko siya.”

Juan 20:15 ပူးပေါင်းရင်းမြစ်များ

Awit nin mga Awit 3:2

Linibot ko an bilog na syudad, an mga tinampo asin an mga plasa kaiyan. Hinanap ko an sakong namomotan. Hinanap ko siya, alagad dai ko nakua.

Awit nin mga Awit 6:1

O pinakamagayon sa mga babae, saen nagduman an saimong namomotan? Tarami kami kun arin na dalan an saiyang inagihan, tanganing sa paghanap, ika samong matabangan.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

Mateo 28:5

Nagtaram an anghel sa mga babae, “Dai kamo matakot. Aram kong hinahanap nindo si Jesus na ipinako sa krus.

Markos 16:6

“Dai kamo matakot,” an sabi kan lalaki. “Hinahanap nindo si Jesus na taga Nazaret na ipinako sa krus. Mayo na siya digdi—nabuhay siya liwat! Hilinga nindo an lugar na hinutadan ninda saiya.

Lukas 2:44

Sa paghona na kaiba si Jesus kan grupo, nagpadagos sinda sa pagbaklay sa bilog na aldaw. Dangan hinanap ninda siya duman sa saindang mga kadugo asin mga kamidbid.

Lukas 24:5

Dahel sa makuring takot, nagdapa sinda sa daga. Sinabihan sinda kan duwang lalaki, “Tadaw ta hinahanap nindo an sarong buhay sa lugar kan mga gadan?

Juan 1:38

Pagsalingoy ni Jesus, nahiling niyang nagsusunod sinda saiya, kaya hinapot niya, “Ano an hinahanap nindo?” Nagsimbag sinda, “Rabbi (na an boot sabihon Maestro), saen ka nag-eerok?”

Juan 18:4

Aram ni Jesus an gabos na mangyayari saiya, kaya sinabat niya sinda saka hinapot, “Siisay an hinahanap nindo?”

Juan 18:7

Hinapot niya giraray sinda, “Siisay an hinahanap nindo?” “Si Jesus na taga Nazaret,” an simbag ninda.

Juan 20:13

Hinapot siya kan mga anghel, “Babae, tadaw ta nagtatangis ka?” Nagsimbag siya, “Huli ta kinua ninda an sakong Kagurangnan asin dai ko aram kun saen ninda siya ibinugtak!”

1 Samuel 1:16

Dai ka mag-isip na ako sarong babaeng bako maninigong igalang. Namimibi akong arog kaini huli kan sakong kahaditan asin kasakitan.”