Juan 19:31 - Marahay na Bareta Biblia

³¹ An aldaw na idto bisperas nin Paskwa kaya habo an mga Judio na mawalat sa krus an mga bangkay sa aldaw na Sabbath huli ta banal na aldaw ini. Kaya hinagad ninda ki Pilato na ipabari niya an mga tabay kan mga ipinako sa krus dangan haraleon duman an mga bangkay.

Juan 19:31 ပူးပေါင်းရင်းမြစ်များ

Exodo 12:16

Sa enot asin sa ikapitong aldaw magtiripon kamo sa pagsamba. Dai kamo magtrabaho sa mga aldaw na iyan alagad pwede nindong andamon an saindong mga pagkakan.

Mga Talinhaga 12:10

Inaataman kan marahay na tawo an saiyang mga hayop, alagad dai naheherak sa sainda an maraot.

Mikas 3:3

Kamo an minakakan kan sakong banwaan. Kamo an minaanit sainda, minabari kan saindang mga tolang, dangan minapedaso kaiyan siring sa karne na lulutoon.

Mateo 27:62

Kan sunod na aldaw aldaw na Sabbath, an mga poon na padi asin an mga Fariseo nagduman ki Pilato

Markos 15:42

Kan banggi na, nag-abot si Jose na taga Arimatea. Saro siyang ginagalangan na kaayon kan Konseho asin naghahalat kan pag-abot kan Kahadean nin Dios. Huli ta aldaw kaidto nin Pag-andam (boot sabihon an aldaw bago umabot an Sabbath), nangahas si Jose na magdolok ki Pilato dangan hinagad an bangkay ni Jesus.

Juan 19:1

Dangan ipinakua ni Pilato si Jesus asin ipinahampak.

Juan 19:14

Mag-aalas dose na nin odto kaidto kan bisperas nin Paskwa. Nagsabi si Pilato sa mga Judio, “Uya an hade nindo!”

Juan 19:42

Huli ta bisperas na kan Sabbath, saka harani an lulubngan na idto, duman na ninda ilinubong an bangkay ni Jesus.

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.