Juan 19:29 - Marahay na Bareta Biblia

²⁹ Igwa duman nin mangko na pano nin suka; ibinuntog ninda duman sa suka an sarong espongha, itinugod ini sa sarong sanga nin isopo dangan idinuhol sa ngoso niya.

Juan 19:29 ပူးပေါင်းရင်းမြစ်များ

1 Mga Hade 4:33

Nagtaram siya manongod sa mga kahoy asin mga tinanom, magpoon sa sedro nin Lebanon sagkod sa isopo na nagtatalubo sa mga kudal; manongod sa mga hayop na naglalakaw o nagkakamang sa daga; manongod sa mga gamgam sagkod mga sira.

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 12:22

Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mateo 27:34

tinawan ninda si Jesus nin arak na sinalakan nin apdo; alagad kan manamitan ini ni Jesus, dai niya ininom.

Mateo 27:48

Saro sainda an nagdalagan tolos asin nagkua nin espongha; pakapasaromsoman kaini sa suka, ibinugtak sa poro nin tukon dangan idinuhol ki Jesus nganing inomon.

Mateo 27:50

Nagkurahaw giraray si Jesus, dangan nautsan.

Markos 15:36

May sarong nagdalagan asin nagkua nin espongha; isinaromsom niya ini sa suka, ibinugtak sa poro nin tukon dangan idinuhol ki Jesus nganing inomon. Nagsabi siya, “Halat ngona, hilingon ta daw kun mag-abot si Elias tanganing tanggalon siya sa krus!”

Lukas 23:36

Pinagtuya-tuya man siya kan mga soldados; nagrani sinda saiya, inalok nin suka,