Juan 19:28 - Marahay na Bareta Biblia

²⁸ Pakatapos kaini, huli ta aram na ni Jesus na tapos na an gabos, asin tanganing maotob an kasuratan, nagsabi siya, “Napapaha ako.”

Juan 19:28 ပူးပေါင်းရင်းမြစ်များ

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Lukas 12:50

Igwa akong bunyag na aakoon, asin napupurisaw ako sagkod na dai iyan maotob!

Lukas 18:31

Isiniblag ni Jesus an Dose dangan sinabihan, “Uya, nagtutukad na kita pasiring sa Jerusalem; duman maootob an gabos na isinurat kan mga propeta dapit sa Aki nin Tawo.

Lukas 22:37

Huli ta sinasabihan ko kamo: dapat na maotob sako an sabi sa kasuratan, ‘Ibinilang siya sa mga kriminal.’ Dahel ta an gabos na isinurat dapit sako naootob na.”

Lukas 9:31

na nagpahiling sa langitnon na kamurawayan. Pinag-orolayan ninda an nagdadangadang na kagadanan ni Jesus na mangyayari sa Jerusalem.

Juan 13:1

Bisperas na kan Pyesta nin Paskwa. Aram ni Jesus na nag-abot na an oras na mahale siya digdi sa kinaban tanganing magbalik sa Ama. Namomotan niyang danay an saiyang mga pinili na uya sa kinaban; namotan niya sinda sagkod sa kataposan.

Juan 17:4

Pinamuraway taka digdi sa kinaban; tinapos ko na an ipinagibo mo sako.

Juan 18:4

Aram ni Jesus an gabos na mangyayari saiya, kaya sinabat niya sinda saka hinapot, “Siisay an hinahanap nindo?”

Juan 19:24

Kaya nag-olay-olay an mga soldados, “Dai ta ini pagtabason; pagripahan ta na sana kun siisay an makakakua kaiyan.” Nangyari ini tanganing maotob an kasuratan, “Pinagbaranga ninda an sakong mga gubing; pinagripahan ninda an sakong bado.” Ini an ginibo kan mga soldados.

Juan 19:30

Pakasupsop ni Jesus kan suka, nagsabi siya, “Tapos na!” Dangan idinuko niya an saiyang payo asin nautsan siya.

Juan 19:36

Nangyari ini tanganing maotob an kasuratan, “Mayong mababari ni saro kan saiyang mga tolang.”

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Mga Gibo 13:29

Kan maotob na ninda an gabos na bagay na sinasabi sa mga Kasuratan dapit saiya, tinanggal ninda an bangkay sa krus dangan ilinubong.