Juan 19:27 - Marahay na Bareta Biblia

²⁷ Dangan sinabihan niya an disipulo, “Uya an saimong ina!” Poon kaidto, inako kan disipulo an ina ni Jesus sa saiyang harong.

Juan 19:27 ပူးပေါင်းရင်းမြစ်များ

Genesis 45:8

Kaya bakong kamo an nagpadara sako digdi, kundi an Dios. Ginibo niya akong ikaduwa sa kapangyarihan sa hade asin parapamahala kan bilog na daga niya; ako an nagpapalakaw kan Egipto.

Genesis 47:12

Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Markos 3:34

Hiniling niya an mga nagtutukaw sa palibot niya asin nagsabi, “Ini an sakong ina asin mga tugang!

Lukas 18:28

Dangan nagsabi si Pedro ki Jesus, “Binayaan mi an samuyang mga harong asin nagsunod saimo.”

Juan 1:11

Nag-abot siya sa sadiri niyang banwa, alagad dai siya inako kan mga tawong sadiri niya.

Juan 16:32

Maabot an panahon—asin uya na ngunyan—na magkakasiriblag kamo, mapuruli kamo sa saindong mga harong, dangan babayaan nindo akong nagsosolo. Alagad dai ako nagsosolo, huli ta kaiba ko an Ama.

Mga Gibo 21:6

Pakatapos, nagpaaram na kami sainda, asin naglunad sa barko mantang sinda nagpuli.