Juan 18:35 - Marahay na Bareta Biblia

³⁵ Nagsimbag si Pilato, “Ano ako, Judio? An mga kahimanwa mo asin an mga poon na padi an nagdara saimo digdi sako. Ano an ginibo mo?”

Juan 18:35 ပူးပေါင်းရင်းမြစ်များ

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Nehemias 4:2

Sa atubangan kan saiyang mga kairiba asin kan hukbo nin Samaria, nagsabi siya, “Ano an ginigibo kan mga maluluyang Judiong ini? Boot daw nindang patindogon giraray an syudad? Naghohona daw sinda na kun magdolot sinda nin sakripisyo, matatapos ninda an trabaho sa laog nin saro sanang aldaw? Makakagibo daw sinda nin mga gapo hale sa tambak nin sinulong ragpa?”

Juan 18:28

Pagkaagang amay, dinara kan mga Judio si Jesus sa palasyo kan gobernador hale sa harong ni Caifas. Dai naglaog an mga Judio huli ta boot nindang magin malinig tanganing makakakan sinda kan pamanggihan sa Paskwa.

Juan 18:34

Nagsimbag si Jesus, “Sadiri mong hapot iyan o igwa nin nagtaram saimo dapit sako?”

Juan 18:36

Nagsimbag si Jesus, “An kahadean ko bakong sa kinaban na ini. Kun an kahadean ko yaon sa kinaban na ini, nakilaban kutana an mga sorogoon ko nganing dai ako ikatao sa mga Judio. An kahadean ko bakong sa kinaban na ini!”

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Juan 19:6

Pagkahiling ki Jesus kan mga poon na padi asin kan mga bantay, nagkurahaw sinda, “Ipako siya sa krus, ipako siya sa krus!” Sinabihan sinda ni Pilato, “Kuaha nindo siya asin ipako nindo sa krus, huli ta mayo akong nakukuang sala saiya.”

Mga Gibo 21:38

Bakong ika an Egipcio na dai pa nahahaloy nagparibok asin nangenot sa apat na ribong armadong rebelde duman sa kalangtadan?”

Mga Gibo 23:29

Naaraman ko na isinumbong siya ninda manongod sa mga bagay dapit sa saindang katogonan, alagad mayo man sindang sumbong na magigin dahelan na siya gadanon o ibilanggo.

Mga Gibo 3:13

An Dios ni Abraham, ni Isaac asin ni Jacob, an Dios kan satong mga ginikanan iyo an nagpamuraway sa saiyang Sorogoon na si Jesus, na saindong itinao saka pinagnegaran sa atubangan ni Pilato, kan boot siyang patalingkasan kaini.