Juan 18:28 - Marahay na Bareta Biblia

²⁸ Pagkaagang amay, dinara kan mga Judio si Jesus sa palasyo kan gobernador hale sa harong ni Caifas. Dai naglaog an mga Judio huli ta boot nindang magin malinig tanganing makakakan sinda kan pamanggihan sa Paskwa.

Juan 18:28 ပူးပေါင်းရင်းမြစ်များ

Salmo 35:16

Padagos na tinuya-tuya ninda ako; mga ngipon pinaparagot ninda tumang sako.

Mga Talinhaga 1:16

An saindang mga bitis nagdadalagan sa paggibo nin karatan, naghihidali sinda sa panggagadan.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Ezekiel 45:21

“Sa ikakatorseng aldaw kan enot na bulan, poonan nindo an pagselebrar kan Pyesta nin Paskwa. Sa laog nin pitong aldaw, an lambang saro makakan nin tinapay na mayo nin lebadura.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mateo 27:27

Pakatapos, dinara kan mga soldados kan gobernador si Jesus sa palasyo dangan pinalibotan siya kan bilog na batalyon nin mga soldados.

Markos 15:16

Dinara si Jesus kan mga soldados sa laog kan patyo kan palasyo kan gobernador, saka tinipon ninda an bilog na batalyon.

Lukas 22:66

Pagkaaga, nagtiripon an mga kamagurangan kan banwaan, an mga poon na padi, asin an mga paratukdo kan Katogonan, saka dinara ninda si Jesus sa saindang Konseho.

Juan 11:55

Harani na an Pyesta nin Paskwa. Dakul na tawo hale sa manlaen-laen na banwaan an nagduman sa Jerusalem bago magpaskwa, nganing mag-otob kan rito nin paglinig.

Juan 18:13

dangan dinara siya ki Anas. Si Anas iyo an panugangan ni Caifas, an Halangkaw na Padi kan taon na idto.

Juan 18:15

Nagsunod ki Jesus si Simon Pedro saka an saro pang disipulo. Midbid na marahay kan Halangkaw na Padi an disipulong idto, kaya nakalaog siya kaiba ni Jesus sagkod sa patyo kan harong kan Halangkaw na Padi.

Juan 18:33

Naglaog giraray si Pilato sa palasyo, inapod si Jesus saka hinapot, “Ika an hade kan mga Judio?”

Juan 18:39

Alagad sosog sa saindong kaugalean, danay akong nagpapaluwas nin sarong bilanggo para sa saindo kun Pyesta nin Paskwa. Boot nindong paluwason ko an hade kan mga Judio?”

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Juan 19:14

Mag-aalas dose na nin odto kaidto kan bisperas nin Paskwa. Nagsabi si Pilato sa mga Judio, “Uya an hade nindo!”

Juan 19:9

Naglaog giraray siya sa palasyo dangan hinapot si Jesus, “Taga saen ka?” Alagad dai nagsimbag si Jesus.

Mga Gibo 10:28

Nagsabi siya sainda, “Aram nindong dai tugot sa sarong Judio na magdalaw o makiiba sa pagano. Alagad ipinahayag sako nin Dios na dai ko ibilang na maati o bakong maninigong pakiibahan an siisay man.

Mga Gibo 10:32

Ipakua mo sa Jope an sarong tawo na an ngaran Simon Pedro. Nakikisakat siya ki Simon na parabalad nin anit, na an harong nasa tampi kan dagat.’

Mga Gibo 11:3

Nagsabi sinda, “Tadaw ta nakidagos ka sa mga tawong bakong sirkomsisyon asin nakikakan sainda?”

Mga Gibo 3:13

An Dios ni Abraham, ni Isaac asin ni Jacob, an Dios kan satong mga ginikanan iyo an nagpamuraway sa saiyang Sorogoon na si Jesus, na saindong itinao saka pinagnegaran sa atubangan ni Pilato, kan boot siyang patalingkasan kaini.

Mga Gibo 4:27

Sa syudad na ini, si Herodes, si Poncio Pilato, an mga pagano sagkod an mga taga Israel nagtiripon tumang ki Jesus, an saimong banal na Sorogoon na saimong linahidan.

Deuteronomio 16:2

Magduman kamo sa lugar na pagsasambahan asin bunoon nindo duman an saro kan saindong mga karnero o baka para sa Paskwa, sa kaomawan nin Kagurangnan na saindong Dios.