Juan 17:17 - Marahay na Bareta Biblia

¹⁷ Pakabanalon mo sinda sa katotoohan; an tataramon mo katotoohan.

Juan 17:17 ပူးပေါင်းရင်းမြစ်များ

2 Samuel 7:28

“Ika an Dios, O Kagurangnan Dios, totoo an saimong mga tataramon, asin ginibo mo an marahay na panugang ini sa saimong sorogoon.

Salmo 119:104

Nakakakua ako nin kadonongan sa saimong mga togon, kaya an lambang maraot na gawe sakong kinaoongisan.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 119:144

Danay na matanos an saimong mga katukdoan; tawe ako nin pakasabot tanganing ako mabuhay.

Salmo 119:160

Katotoohan iyo an puso kan saimong katogonan; an lambang matanos mong paghukom mayo nin kataposan.

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Salmo 12:6

Masasarigan an mga panuga nin Kagurangnan; siring sa purong plata, na sa horno pitong beses lininigan.

Lukas 8:11

“Ini an kahulogan kan parabola: an banhi iyo an tataramon nin Dios.

Lukas 8:15

Alagad an banhing nakasabwag sa matubang na daga, garo an mga tawo na minadangog kan tataramon nin Dios. Iniingatan ninda iyan sa pusong maboot saka makinuyog, asin nagdadanay sagkod na magbunga.

Juan 15:3

Nalinigan na kamo huli sa tataramon na sinabi ko saindo.

Juan 17:19

Huli sa sainda, kinokonsagra ko an sakong buhay, tanganing sinda man makonsagra sa katotoohan.

Juan 8:32

maaaraman nindo an katotoohan, asin an katotoohan an mapatalingkas saindo.”

Juan 8:40

“Alagad boot nindo akong gadanon, huli ta nagtataram ako kan katotoohan na nadangog ko sa Dios. Bakong arog kaini an ginibo ni Abraham.

Mga Gibo 15:9

Mayo siyang pinalaen, Judio o bako; lininigan niya an saindang mga puso huli sa pagtubod ninda ki Jesu-Cristo.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

Efeso 4:21

Nakadangog na kamo dapit saiya; bilang mga parasunod niya, tinukdoan na kamo kan mga katotoohan na yaon ki Jesus.

Efeso 5:26

nganing mapabanal iyan, pakalinigi niya kaiyan sa paagi kan tubig saka kan tataramon.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.