Juan 16:24 - Marahay na Bareta Biblia

²⁴ Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Juan 16:24 ပူးပေါင်းရင်းမြစ်များ

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

2 Mga Hade 19:15

dangan namibi, “O Kagurangnan, Dios nin Israel, na nakatukaw sa trono sa ibabaw kan mga Kerubin. Ika sana an Dios kan gabos na kahadean sa daga. Ika an naglalang kan langit asin daga.

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Juan 14:1

Sinabihan sinda ni Jesus, “Dai kamo maghadit. Magtubod kamo sa Dios, magtubod man kamo sako.

Juan 14:14

Kun maghagad kamo nin anoman sa ngaran ko, gigibohon ko iyan.

Juan 15:11

“Sinasabi ko saindo an mga bagay na ini tanganing mapasaindo an kaogmahan ko asin magsupay an saindong kaogmahan.

Juan 16:23

“Pag-abot kan aldaw na iyan, mayo na kamo nin hahagadon sako. Sa katotoohan sinasabihan ko kamo, an anoman na hagadon nindo sa Ama sa ngaran ko, itatao saindo.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

2 Tesalonica 1:2

Mapasaindo logod an biyaya asin an katoninongan nin Dios Ama asin ni Jesu-Cristo na Kagurangnan.

2 Juan 1:12

Dakul pa an dapat kong sabihon saindo, alagad habo kong ipaagi iyan sa surat, kundi nagmamawot akong magdalaw saindo dangan makipag-olay saindo nin personal, tanganing magin bilog an satong kaogmahan.