Juan 16:15 - Marahay na Bareta Biblia

¹⁵ An gabos na sadiri kan sakong Ama sadiri ko; kaya sinabi ko na hale sako an ipapahayag saindo kan Espiritu.

Juan 16:15 ပူးပေါင်းရင်းမြစ်များ

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Lukas 10:22

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana asin an boot kan Aking makamidbid sa Ama.”

Juan 13:3

Aram ni Jesus na itinao saiya kan Ama an gabos na bagay; aram man niya na gikan siya sa Dios asin mabalik siya sa Dios.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Juan 17:10

An gabos na sadiri ko saimo, an gabos na sadiri mo sakuya; napapamuraway ako huli sainda.

Juan 17:2

Huli ta tinawan mo an Aki nin kapangyarihan sa gabos na tawo, tanganing magtao nin buhay na daing kataposan sa gabos na itinao mo saiya.

Juan 3:35

Namomotan kan Ama an Aki, asin an gabos na bagay itinatao niya sa kamot kan Aki.

Colosas 1:19

Huli ta binoot nin Dios na an bilog niyang pagka-Dios mapasa Aki.

Colosas 2:3

Sa saiya nakatago an gabos na kayamanan nin kadonongan saka pakasabot nin Dios.

Colosas 2:9

Huli ta yaon ki Cristo an bilog na kapanoan nin pagka-Dios sa saiyang pagkanitawo,