Juan 16:11 - Marahay na Bareta Biblia

¹¹ sa paghukom, huli ta hinukoman na an kagsakop kaining kinaban.

Juan 16:11 ပူးပေါင်းရင်းမြစ်များ

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Mateo 12:18

“Uya an sakong sorogoon, an sakong pinili, an sakuyang namomotan asin ikinakaogma. Ibubugtak ko saiya an sakong Espiritu, asin ipapahayag niya an sakong hustisya sa gabos na nasyon.

Mateo 12:36

“Sinasabihan ko kamo na sa Aldaw nin Paghukom an lambang saro magtatao nin kwenta kan lambang tataramon na mayong halaga na saiyang itinaram.

Lukas 10:18

Sinabihan sinda ni Jesus, “Nahiling ko si Satanas na nahulog na garo kikilat hale sa langit.

Juan 12:31

Panahon na nganing hukoman an kinaban. Ngunyan isisikwal na an kagsakop kaining kinaban.

Juan 14:30

Dai na ako magtataram nin haloy saindo, huli ta maabot na an kagsakop kaining kinaban. Mayo siyang kapangyarihan sako,

Juan 16:12

“Dakul pa an sasabihon ko saindo, alagad dai pa nindo masasabotan ngunyan.

Mga Gibo 10:42

Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dios na magin hukom kan mga buhay asin kan mga gadan.

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Roma 16:20

Dai na mahahaloy, roronoton kan Dios nin katoninongan si Satanas sa irarom kan saindong bitis. Mapasaindo logod an biyaya kan satong Kagurangnan na Jesus.

Roma 2:16

Mangyayari ini sa Aldaw na hukoman nin Dios sa paagi ni Jesu-Cristo an mga hilom na iniisip kan tawo, sosog sa Marahay na Bareta na ipinaghuhulit ko.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Corinto 4:4

Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Colosas 2:15

Sa pagkagadan ni Cristo sa krus, dinaog niya an mga prinsipado saka mga kapangyarihan. Ipinarada niya sinda sa publiko na garo mga bilanggo bilang patotoo na dinaog niya sinda.

Hebreyo 2:14

Siring na an nasambit na kaakian mga tawong may laman saka dugo, nagin tawo man si Jesus arog ninda, tanganing sa paagi kan saiyang kagadanan, madaog niya an Diablo na may kapangyarihan nin kagadanan.

Hebreyo 6:2

dapit sa mga katukdoan manongod sa pagbunyag, sa pagdoon nin kamot sa mga paratubod, sa pagkabuhay liwat kan mga gadan, asin sa daing kataposan na paghukom.

Hebreyo 9:27

Itinalaan na sarong beses sana magadan an lambang tawo, dangan an paghukom.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!