Juan 15:7 - Marahay na Bareta Biblia

⁷ Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 15:7 ပူးပေါင်းရင်းမြစ်များ

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

An Libro ni Job 22:26

Dangan danay kang mananarig sa Dios asin maaaraman mong siya an ginigikanan kan saimong kaogmahan.

An Libro ni Job 23:12

Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 37:4

Hanapa an saimong kaogmahan sa Kagurangnan, asin itatao niya saimo an minamawot nin saimong puso.

Mga Talinhaga 10:24

An natatakotan kan maraot na tawo mangyayari saiya, alagad an kamawotan kan matanos itatao saiya.

Mga Talinhaga 4:4

tinukdoan ako kan sakong ama. An sabi niya, “Magdanay logod sa saimong puso an sakong mga tataramon; kuyoga an sakong mga togon, asin mabubuhay ka.

Isaias 58:8

“Dangan maliwanag sa saindo siring sa liwanag kan aldaw pagkaaga an sakong pagkawili, asin madaling mararahay an saindong mga lugad. Danay ko kamong iibahan tanganing iligtas kamo; an sakong presensya an mag-iingat saindo sa gabos na pag-alaman.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Mateo 7:7

“Maghagad kamo asin tatawan kamo; maghanap asin makukua nindo; tumuktok asin bubuksan kamo.

Juan 14:13

Gigibohon ko an anoman na hagadon nindo sa ngaran ko, tanganing mapamuraway an Ama sa Aki.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Juan 16:23

“Pag-abot kan aldaw na iyan, mayo na kamo nin hahagadon sako. Sa katotoohan sinasabihan ko kamo, an anoman na hagadon nindo sa Ama sa ngaran ko, itatao saindo.

Juan 8:31

Dangan sinabihan ni Jesus an mga tawong nagtutubod saiya, “Kun danay na magkuyog kamo kan sakong katukdoan, tunay ko kamong mga disipulo;

Juan 8:37

Aram kong kapagarakian kamo ni Abraham. Alagad boot nindo akong gadanon, huli ta habo kamo kan sakong katukdoan.

Galacia 4:2

Mantang sadit pa siya, igwa nin mga tawong nag-aataman saiya saka namamahala kan mga rogaring niya, sagkod sa panahon na itinalaan kan saiyang ama.

Galacia 5:16

Ini an sinasabi ko: mamuhay kamo sa Espiritu; dai nindo pagsunodon an mga kamawotan kan laman.

Deuteronomio 6:6

Dai nanggad nindo paglingawan an mga pagboot na ini na itinatao ko saindo ngunyan.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

1 Juan 2:14

Sinusuratan ko kamo, mga aki, huli ta midbid nindo an Ama. Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta kamo makokosog asin an tataramon nin Dios nagdadanay saindo patin dinaog nindo an Maraot.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

1 Juan 3:22

Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

1 Juan 5:14

May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.