Juan 15:11 - Marahay na Bareta Biblia

¹¹ “Sinasabi ko saindo an mga bagay na ini tanganing mapasaindo an kaogmahan ko asin magsupay an saindong kaogmahan.

Juan 15:11 ပူးပေါင်းရင်းမြစ်များ

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Lukas 15:23

Dangan daraha digdi an pinatabang ogbon na baka asin bunoa! Mag-ogma kita! Magbangkete kita!

Lukas 15:32

Alagad dapat kitang magbangkete saka mag-ogma huli ta an tugang mong ini gadan na, alagad nabuhay liwat; nawara, alagad nakua na.’”

Lukas 15:5

Kun makua na, maogmang ibinubugtak niya iyan sa saiyang abaga.

Lukas 15:9

Kun makua niya, inaapod niya an saiyang mga katood saka mga kataed asin sinasabihan, ‘Mag-ogma kita ta nakua ko na an nawawara kong kwartang plata!’

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Juan 17:13

Alagad ngunyan madiyan na ako saimo; sinasabi ko an mga bagay na ini sa kinaban tanganing mapasainda an kapanoan nin kaogmahan na nasa sako.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

Filipos 1:25

Huli kaini, aram kong mabubuhay pa ako. Magpapadagos ako sa kaibahan nindo gabos, para sa saindong kauswagan asin kaogmahan sa pagtubod,

1 Tesalonica 5:16

Magdanay kamong maogma.

1 Pedro 1:8

Namomotan nindo siya, maski dai nindo siya nahiling; nagtutubod kamo saiya, maski dai pa nindo siya nahihiling ngunyan; kaya dakula asin dai masabi an saindong kaogmahan,

1 Juan 1:4

Isinusurat mi an mga bagay na ini tanganing an samong kaogmahan magkaigwa nin kapanoan.

2 Juan 1:12

Dakul pa an dapat kong sabihon saindo, alagad habo kong ipaagi iyan sa surat, kundi nagmamawot akong magdalaw saindo dangan makipag-olay saindo nin personal, tanganing magin bilog an satong kaogmahan.