Juan 14:27 - Marahay na Bareta Biblia

²⁷ “Katoninongan iwinawalat ko saindo; an sakong katoninongan itinatao ko saindo. Bako iyan arog kan pagtao kan kinaban. Dai kamo mahadit ni matakot.

Juan 14:27 ပူးပေါင်းရင်းမြစ်များ

2 Mga Cronica 20:30

Kaya nagin matoninong an paghahade ni Jehosafat huli ta ilinikay siya nin Dios sa anoman na pag-alaman sa palibot niya.

An Libro ni Job 34:29

“Kun siya magtoninong, siisay an makondenar? Kun tagoon niya an saiyang lalawogon, siisay an makakahiling saiya, nasyon man o tawo?

Salmo 11:1

Minasarig ako sa Kagurangnan. Tadaw ta minasabi ka sako, “Lumayog ka siring sa sarong gamgam pasiring sa kabubuldan,

Salmo 112:7

Dai siya natatakot sa maraot na bareta; makosog an saiyang pagtubod asin nagsasarig siya sa Kagurangnan.

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 28:3

Dai mo ako pagpadusahan kaiba kan tampalasan, kaiba kan mga paragibo nin karatan, na katoninongan sa kapwa an nasa ngoso, alagad karatan an yaon sa saindang puso.

Salmo 29:11

Kosog itao logod nin Kagurangnan sa saiyang banwaan! Bendisyonan logod niya sinda nin katoninongan!

Salmo 56:11

Minasarig ako sa Dios asin dai ako natatakot. Ano an magigibo nin tawo sa sako?

Salmo 56:3

Kun ako natatakot, Kagurangnan, ika an sakuyang sinasarigan.

Salmo 72:2

Hukoman niya logod sa katanosan an saimong banwaan, asin sa hustisya an saimong mga dukha!

Salmo 72:7

Magburak logod an katanosan sa saiyang kapanahonan, asin magsupay logod an katoninongan, sagkod na nagliliwanag an bulan.

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 91:5

Dai ka dapat matakot sa diklom nin banggi, ni sa bosog na minalayog sa aldaw;

Mga Talinhaga 3:25

An mga kasakitan na biglang minaabot dai mo dapat ikahandal, na arog sa bagyong minaabot sa tampalasan.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 1:8

Dai ka matakot sainda huli ta kaiba mo ako tanganing ingatan ka. Ako, an Kagurangnan, an nagtaram!”

Mga Panambitan 3:17

An sakong kalag mayo nin katoninongan; lingaw ko na kun ano an kaogmahan.

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Daniel 4:1

Ini an mensaheng ipinadara ni Hadeng Nebukadnezzar sa mga banwaan, kan gabos na nasyon, rasa, asin lengwahe sa bilog na daga: “An katoninongan mapasaindo!

Daniel 6:25

Dangan nagsurat si Hadeng Dario sa mga banwaan sa gabos na nasyon, rasa, asin lengwahe sa daga: “An katoninongan mapasaindo!

Zacarias 6:13

Siya an mapatindog kaiyan patin maako kan onra na maninigo sa sarong hade; siya man an mamamayo kan saiyang banwaan. Matindog sa kataed kan saiyang trono an sarong padi, asin magtatrabaho sindang duwa na igwa nin katoninongan saka katiwasayan.’

Mga Bilang 6:26

Mawilihan logod kamo nin Kagurangnan asin tawan nin katoninongan.

Mateo 10:26

“Kaya dai kamo matakot sa mga tawo. Mayong natatahoban na dai mahahayag; mayong sekreto na dai makakaluwas.

Lukas 1:79

nganing maliwanagan an mga nasa kadikloman asin nasa anino nin kagadanan, nganing giyahan kita sa dalan nin katoninongan.”

Lukas 10:5

Paglaog nindo sa arin man na harong, magsabi ngona kamo, ‘An Katoninongan mapasa harong na ini.’

Lukas 12:4

“Sinasabihan ko kamo, mga katood, na dai kamo matakot sa mga minagadan kan hawak alagad pakatapos mayo nang magiginibo.

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Juan 14:1

Sinabihan sinda ni Jesus, “Dai kamo maghadit. Magtubod kamo sa Dios, magtubod man kamo sako.

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Juan 20:19

Pagkabanggi kan Domingo man sanang idto, nagtiripon an mga disipulo. Binaratan an mga pintoan kan harong na pinagtitiriponan ninda huli sa takot ninda sa mga Judio. Dangan naglaog si Jesus, puminatahaw sainda saka nagsabi, “Mapasaindo an katoninongan.”

Juan 20:21

Nagsabi giraray sainda si Jesus, “Mapasaindo an katoninongan. Siring na ako sinugo kan Ama, sinusugo ko man kamo.”

Juan 20:26

Pakalihis nin sarong semana, nagtiripon giraray an mga disipulo duman sa laog kan harong; kaiba na ninda si Tomas. An mga pintoan binaratan, alagad naglaog si Jesus, puminatahaw sainda saka nagsabi, “Mapasaindo an katoninongan.”

Mga Gibo 10:36

Aram nindo an mensahe na ipinadara niya sa mga Israelita, na ipinapahayag an Marahay na Bareta nin katoninongan sa paagi ni Jesu-Cristo, na Kagurangnan nin gabos na tawo.

Mga Gibo 18:9

Sarong banggi, nagtaram ki Pablo an Kagurangnan sa paagi nin sarong bisyon, “Dai ka matakot; padagosa an paghulit mo

Roma 1:7

Kaya sinusuratan ko kamo gabos diyan sa Roma na namomotan nin Dios saka pinili niyang magin banal: Mapasaindo an biyaya asin katoninongan na hale sa satong Dios Ama asin sa Kagurangnan na Jesu-Cristo.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 5:1

Kaya huli ta pinangagin kitang matanos nin Dios huli sa pagtubod, igwa kita nin katoninongan saiya huli ki Jesu-Cristo na satong Kagurangnan.

Roma 5:10

Dati mga kaiwal kita nin Dios, alagad ngunyan nagin katood na niya kita dahel kan pagkagadan kan saiyang Aki. Kaya ngunyan, orog na kitang ligtas huli ta buhay si Cristo.

Roma 8:6

An pag-isip kan mga bagay na sa laman nagbubunga nin kagadanan; an pag-isip kan mga bagay na sa Espiritu nagbubunga nin buhay saka katoninongan.

1 Corinto 1:3

Mapasaindo logod an biyaya asin an katoninongan nin Dios na satong Ama asin ni Jesu-Cristong Kagurangnan.

Galacia 1:3

An biyaya asin an katoninongan nin Dios na satong Ama asin ni Jesu-Cristo na satong Kagurangnan mapasaindo.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Galacia 6:16

An katoninongan saka pagkaherak nin Dios mapasagabos na nag-ootob kaining pagsusundon—sa sainda asin sa bilog na banwaan nin Dios!

Filipos 4:7

Dangan an katoninongan nin Dios na dai matugkad kan isip nin tawo iyo an mag-iingat kan saindong puso saka isip diyan ki Cristo Jesus.

Colosas 1:2

Para sa mga banal na yaon sa Colosas, samong mga maimbod na tugang ki Cristo: Mapasaindo an biyaya asin katoninongan hale sa Dios na satong Ama.

Colosas 1:20

Binoot man niya sa paagi kan saiyang Aki na an gabos makiolian saiya. Sa paagi kan pagkagadan sa krus kan Aki, nakipag-olian sa Dios an gabos na linalang na nasa kinaban asin nasa langit.

Colosas 3:15

An katoninongan ni Cristo iyo an maghade sa saindong mga puso; sa katoninongan na iyan kamo inapod nin Dios na magkasararo bilang mga kabtang nin sarong hawak. Magpasalamat kamo.

2 Tesalonica 1:2

Mapasaindo logod an biyaya asin an katoninongan nin Dios Ama asin ni Jesu-Cristo na Kagurangnan.

2 Tesalonica 3:16

Tawan logod kamo nin katoninongan sa gabos na oras asin gabos na paagi kan mismong Kagurangnan nin katoninongan. Mapasaindo gabos an Kagurangnan.

2 Timoteo 1:7

Huli ta an Espiritu na itinao sato nin Dios bakong nagpapatalaw sato kundi pinapano kita nin kapangyarihan, pagkamoot asin pagpugol sa sadiri.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Hebreyo 7:2

Tinawan siya ni Abraham nin himoloan kan gabos niyang nakua sa pakilaban. (An enot na kahulogan kan ngaran na Melkisedek, “Hade nin Katanosan”; asin huli ta hade siya kan Salem, an ikaduwang kahulogan kan ngaran niya, “Hade nin Katoninongan.”)

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”