Juan 12:48 - Marahay na Bareta Biblia

⁴⁸ May mahukom sa kiisay man na magsikwal sako asin dai mag-ako kan sakong mga tataramon: an mga tataramon na ipinahayag ko iyo an mahukom saiya sa huring aldaw!

Juan 12:48 ပူးပေါင်းရင်းမြစ်များ

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Mateo 10:15

Sa katotoohan sinasabihan ko kamo, pag-abot kan Aldaw nin Paghukom, orog pa an padusa na itatao nin Dios sa mga tawo kan banwaan na iyan ki sa mga taga Sodoma asin Gomorra!

Mateo 21:42

Sinabihan sinda ni Jesus, “Dai pa lamang nindo nabasa ini sa mga Kasuratan? ‘An gapo na isinikwal kan mga paratugdok, iyo an nagin patugmadan na gapo. Ginibo ini nin Kagurangnan; iyan sarong ngangalasan sa satong paghiling!’

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Markos 12:10

Nabasa na nindo an kasuratan na ini? ‘An gapo na isinikwal kan mga paratugdok iyo an nagin patugmadan na gapo.

Markos 16:16

An magtubod saka mabunyagan, makakaligtas; an dai magtubod, kokondenaron.

Markos 8:31

Sinabihan ni Jesus an mga disipulo niya, “An Aki nin Tawo dapat mag-agi nin dakul na kasakitan, isikwal kan mga kamagurangan, kan mga poon na padi asin kan mga paratukdo kan Katogonan dangan ipagadan. Alagad sa ikatolong aldaw mabubuhay siya liwat.”

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Lukas 17:25

Alagad kaipuhan ngona siyang magtios nin dakul na kasakitan dangan isikwal kan henerasyon na ini.

Lukas 20:17

Hiniling sinda ni Jesus asin sinabihan, “Kun siring, ano an kahulogan kan nasasabing ini sa kasuratan? ‘An gapong isinikwal kan mga paratugdok iyo an nagin patugmadan na gapo.’

Lukas 7:30

Alagad sinayumahan kan mga Fariseo saka mga paratukdo kan Katogonan an katuyohan nin Dios para sainda asin dai sinda nagpabunyag ki Juan.

Lukas 9:22

Nagsabi pa siya, “An Aki nin Tawo kaipuhan mag-agi nin makuring pagsakit. Isisikwal siya kan mga kamagurangan, kan mga poon na padi, asin kan mga paratukdo kan Katogonan. Gagadanon siya alagad mabubuhay liwat sa ikatolong aldaw.”

Lukas 9:26

An siisay man na ikasopog ako asin an mga katukdoan ko, ikakasopog man kan Aki nin Tawo pagdatong niya sa saiyang kamurawayan asin sa kamurawayan nin Ama patin kan mga banal na anghel.

Juan 11:24

Nagsimbag si Marta, “Aram ko na mabubuhay siya liwat sa huring aldaw.”

Juan 5:45

Dai kamo maghona na ako an masumbong saindo sa sakong Ama; si Moises na pinaglalaoman nindo an masumbong saindo.

Juan 6:39

An kabotan niya iyo ini: na mayong mawara maski saro sa mga itinao niya sako, kundi buhayon ko sinda liwat sa huring aldaw.

Juan 8:47

An hale sa Dios naghihinanyog kan mga tataramon nin Dios; dai kamo naghihinanyog, huli ta bako kamong hale sa Dios.”

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

Mga Gibo 3:23

Huli ta an siisay man na dai magdangog sa propetang iyan, isisiblag sa banwaan nin Dios asin gagadanon.’

Roma 2:16

Mangyayari ini sa Aldaw na hukoman nin Dios sa paagi ni Jesu-Cristo an mga hilom na iniisip kan tawo, sosog sa Marahay na Bareta na ipinaghuhulit ko.

2 Corinto 4:3

Kun natatahoban pa an Marahay na Bareta na ipinaghuhulit mi, natatahoban iyan sa mga tawo sanang napapahamak.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 10:25

Dai nyato pagpabayaan an satong mga pagtiripon, arog kan danay na ginigibo kan nagkapira. Kundi pakosogon ta an boot kan lambang saro, orog na ta aram nyatong harani na an Aldaw kan pag-abot nin Kagurangnan.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.

1 Samuel 10:19

Ako an saindong Dios, an nagtabang saindo sa gabos nindong problema asin kasakitan; alagad ngunyan, hinaboan nindo ako asin nakimaherak sako na tawan kamo nin hade. Kaya magtiripon kamo gabos sosog sa saindong tribu asin kamaganakan, sa atubangan nin Kagurangnan.’”

1 Samuel 8:7

Nagtaram saiya an Kagurangnan, “Dangoga an gabos na sinasabi saimo kan mga tawo, huli ta bakong ika an saindang hinaboan; ako an hinaboan ninda bilang saindang hade.