Juan 12:35 - Marahay na Bareta Biblia

³⁵ Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 12:35 ပူးပေါင်းရင်းမြစ်များ

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Isaias 2:5

Ngunyan, kapagarakian ni Jacob, madya, maglakaw kita sa liwanag nin Kagurangnan!

Jeremias 23:12

Kaya an mga dalan na saindang linalakawan magigin mahalnas saka madiklom; magkakasiringkog sinda saka magkakaturumba. Papadarahan ko sinda nin kasakitan; an oras nin pagpadusa sainda nagdadangadang na. Ako, an Kagurangnan, an nagtaram.

Lukas 18:37

Sinabihan siya na si Jesus na taga Nazaret nag-aagi.

Juan 11:10

Alagad nasisingkog an naglalakaw kun banggi, huli ta mayo saiya an ilaw.”

Juan 11:9

Nagsimbag si Jesus, “Bakong doseng oras an bilog na maghapon? Dai nasisingkog an naglalakaw kun aldaw, huli ta nahihiling niya an ilaw sa kinaban na ini.

Juan 12:36

Kaya ngani, tumubod kamo sa ilaw mantang yaon pa iyan saindo, tanganing magin kamong mga aki nin ilaw.” Pakasabi ni Jesus kaini, naghale siya dangan tinagoan niya sinda.

Juan 12:46

Nagdigdi ako bilang ilaw sa kinaban, tanganing an mga minatubod sako dai magdanay sa kadikloman.

Juan 16:16

“Dikit na sanang panahon, asin dai na ako nindo mahihiling; dangan pakalihis nin dikit na panahon, mahihiling giraray nindo ako.”

Juan 7:33

Nagsabi si Jesus, “Dikit pang panahon akong makakaiba nindo, dangan mabalik na ako sa nagsugo sako.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

2 Corinto 3:14

Maluya an isip ninda, huli ta sagkod ngunyan natatahoban pa an saindang isip kun nagbabasa sinda kan mga libro kan daan na tipan. Huli ta an tahob nahahale sana huli ki Cristo.

Galacia 6:10

Kaya sa lambang oportunidad na itao sato, maggibo kita nin marahay sa gabos, orog nang gayo sa kapwa nyato paratubod.

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,