Juan 10:21 - Marahay na Bareta Biblia

²¹ Alagad an iba nagsabi, “Dai makakapagtaram nin arog saiya an tawong may demonyo. Makakapamuklat daw kan mga buta an demonyo?”

Juan 10:21 ပူးပေါင်းရင်းမြစ်များ

Salmo 146:8

asin tinatawan nin pakahiling an mga buta. Binabangon niya an mga napadungkal; namomotan niya an mga matanos.

Salmo 94:9

Ginibo nin Dios an satong talinga—dai daw siya nakakadangog? Ginibo niya an satong mga mata—dai daw siya nakakahiling?

Exodo 4:11

Nagtaram saiya an Kagurangnan, “Siisay an nagtatao nin ngoso sa tawo? Siisay an may kapangyarihan na gibohon siyang bongog o pola, may pakahiling o buta? Bakong ako, an Kagurangnan?

Exodo 8:19

Nagsabi sa hade an mga salamangkero, “An Dios an kaggibo kaini!” Alagad nagmatagas an hade asin dai niya dinangog si Moises saka si Aaron sosog sa itinaram nin Kagurangnan.

Mga Talinhaga 20:12

Parehong ginibo nin Kagurangnan an talingang nakakadangog saka an matang nakakahiling.

Mateo 11:5

an mga buta nakakahiling, an mga pilay nakakalakaw, an mga daoton nalilinigan, an mga bongog nakakadangog, an mga gadan nabubuhay liwat, asin an Marahay na Bareta ipinaghuhulit sa mga dukha.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Juan 10:22

Pyesta kaidto sa Jerusalem kan Pagkonsagra kan Templo.

Juan 9:6

Pakataram niya kaini, naglutab si Jesus sa daga, asin sa linutaban naggibo siya nin laboy; dangan ilinahid sa mga mata kan buta.