Josue 9:7 - Marahay na Bareta Biblia

⁷ Alagad nagsimbag an mga kalalakihan nin Israel, “Tano ta makikipagtipan kami saindo? Tibaad harani man sana an pinag-eerokan nindo.”

Josue 9:7 ပူးပေါင်းရင်းမြစ်များ

Genesis 10:17

Heveo, Araceo, Sineo,

Genesis 34:2

Kan mahiling siya ni Shekem, na aki ni Hamor na Heveo, na prinsipe kan daga, kinua siya kaini asin linupigan.

2 Samuel 24:7

Dangan nagduman sinda sa bantayan nin Tiro, bago nagpasiring sa gabos na syudad kan mga Heveo saka kan mga Cananeo. Pakatapos, nagduman sinda sa Beer-sheba, sa habagat na parte kan Juda.

Exodo 23:22

Alagad kun sunodon nindo siya asin gibohon an gabos kong itinaram, lalabanan ko an gabos nindong kaiwal.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 34:12

Dai nanggad kamo makipagtipan sa mga nag-eerok sa dagang dudumanan nindo huli ta iyan an magigin siod nindo.

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Deuteronomio 20:16

“Alagad sa mga syudad sa dagang itatao saindo nin Kagurangnan na saindong Dios, gadanon nindo an lambang saro.

Josue 11:19

An nakipagtipan sa Israel iyo sana an syudad kan Gibeon na pinag-erokan kan nagkapirang Heveo. Nadaog gabos sa gera an iba.

Josue 9:1

An mga kapangganahan kan Israel nabaretaan kan gabos na hade sa solnopan kan Jordan—sa kabubuldan, sa kababan, asin sa baybayon kan Dagat nin Mediteraneo sagkod sa Lebanon, sa parteng amihan. Sinda iyo an mga hade kan mga Heteo, Amoreo, Cananeo, Perezeo, Heveo, asin mga Jebuseo.

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.