Josue 9:4 - Marahay na Bareta Biblia

⁴ asin nagkaoroyon sinda na dayaon si Josue. Nagkurua sinda nin mga pagkakan asin kinargahan ninda an saindang mga asno nin mga daan na sako saka mga may tagubhang na anit na laogan nin arak.

Josue 9:4 ပူးပေါင်းရင်းမြစ်များ

Genesis 34:13

Alagad huli ta linupigan ni Shekem an saindang tugang na si Dina, nagsimbag ki Shekem asin ki Hamor an mga aking lalaki ni Jacob sa madayang paagi.

Salmo 119:83

Nagin arog ako sa itinapok na anit na lalagan nin arak; alagad dai ko nalingawan an saimong mga kabotan.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 9:17

Dai nin siisay man na minapalis nin bagong arak sa daan na anit na lalagan nin arak, ta mabubusi ini; mauula an arak asin an lalagan na anit mararaot. An bagong arak ipalis sa bagong lalagan na anit, tanganing parehong dai masayang.”

Markos 2:22

Dai nin siisay man na minapalis nin bagong arak sa daan na lalagan na anit, ta mabubusi kan bagong arak an daan na anit asin parehong masasayang an arak saka an lalagan na anit. Kaya, ipalis an bagong arak sa bagong lalagan na anit.”

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Josue 9:12

Hilinga nindo an samong tinapay; mainit pa ini kan maghale kami sa harong asin magpoon kaming maglakaw tanganing makihampang saindo. Alagad hilinga! Ngunyan matagas na ini asin alamagon.

Josue 9:13

Bago pa an mga anit na ini kan panoon mi nin arak; uya ngunyan mga girisi na. Girisi na man an samong mga gubing asin pudpod na an samong mga sandalyas huli sa halawig na paglakaw.”

Josue 9:3

Alagad an ginibo ni Josue sa Jerico asin sa Ai nabaretaan kan mga Heveong taga Gibeon,

Josue 9:5

Nagsulot sinda nin mga girising gubing asin pudpod na mga sandalyas. Nagbalon sinda nin mga tinapay na matagas na asin alamagon.