Josue 9:21 - Marahay na Bareta Biblia

²¹ Pabayaan nindo sindang mabuhay, alagad kaipuhan magputol sinda nin kahoy asin magsakdo nin tubig para sato.” Ini an nagin pahayag kan mga lider.

Josue 9:21 ပူးပေါင်းရင်းမြစ်များ

Jeremias 46:22

Nagdudulag an Egipto, na arog sa nagdudulag na halas, huli ta nagdadangadang an hukbo kan kaiwal. Sinasalakay siya ninda kan dara nindang mga patok, arog sa mga lalaking nagpapalod nin mga kahoy,

Deuteronomio 29:10

“Nagtitindog kamo ngunyan sa atubang nin Kagurangnan na saindong Dios, kamo gabos—an saindong mga lider saka mga opisyal, mga kalalakihan,

Deuteronomio 29:11

kababaehan, kaakian, sagkod an mga dayuhan na nakikihimanwa saindo, na nagpuputol nin kahoy asin nagsasakdo para saindo.

Josue 10:1

Nabaretaan ni Adonizedek, an hade kan Jerusalem, na sinakop asin rinaot nang padagos ni Josue an Ai saka ginadan an hade duman, siring kan ginibo niya sa Jerico asin sa hade duman. Nabaretaan man ni Adonizedek na nakipagtipan sa mga Israelita an mga taga Gibeon asin nag-eerok na sinda sa kaibahan kan mga Israelita.

Josue 9:15

Nakipagtipan si Josue sa mga taga Gibeon asin tinugotan niya sindang mabuhay. Nagsumpa an mga lider kan banwaan nin Israel na ootobon ninda an tipan.

Josue 9:20

Papabayaan ta sindang mabuhay huli kan samong sumpa; kun dai, papadusahan kita nin Dios.

Josue 9:23

Huli ta ginibo nindo ini, kinondenar kamo nin Dios. Danay kamong magigin oripon, mga paraputol nin kahoy asin parasakdo nin tubig para sa santwaryo nin sakong Dios.”

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.