Josue 9:14 - Marahay na Bareta Biblia

¹⁴ Inako kan mga kamagurangan an pagkakan ninda, alagad dai ngona nakihumapot sa Kagurangnan.

Josue 9:14 ပူးပေါင်းရင်းမြစ်များ

2 Samuel 2:1

Pakatapos kaini, naghapot si David sa Kagurangnan, “Dapat daw na magtukad ako pasiring sa arin man kan mga banwa nin Juda?” Nagsimbag an Kagurangnan, “Magtukad ka.” Naghapot si David, “Arin na banwa?” “Sa Hebron,” an simbag nin Kagurangnan.

2 Samuel 5:19

Hinapot ni David an Kagurangnan, “Boot mong salakayon ko an mga Filisteo? Papangganahon mo daw ako?” Nagsimbag an Kagurangnan ki David, “Salakayon mo! Papangganahon taka!”

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Exodo 28:30

Ilaog nindo sa pantahob sa daghan an Urim asin Tummim tanganing mamugtak sa daghan ni Aaron kun minadolok siya sa atubangan ko. Kaya danay na isusulot ni Aaron an pantahob sa daghan tanganing maaraman niya an sakong kabotan para sa banwaan nin Israel.

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Josue 9:13

Bago pa an mga anit na ini kan panoon mi nin arak; uya ngunyan mga girisi na. Girisi na man an samong mga gubing asin pudpod na an samong mga sandalyas huli sa halawig na paglakaw.”

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

1 Samuel 22:10

Hinapot pa ni Ahimelec an Kagurangnan kun ano an dapat gibohon ni David, dangan tinawan niya si David nin pagkakan. Itinao man niya ki David an espada ni Goliat na Filisteo.”