Josue 9:13 - Marahay na Bareta Biblia

¹³ Bago pa an mga anit na ini kan panoon mi nin arak; uya ngunyan mga girisi na. Girisi na man an samong mga gubing asin pudpod na an samong mga sandalyas huli sa halawig na paglakaw.”

Josue 9:13 ပူးပေါင်းရင်းမြစ်များ

Mateo 9:17

Dai nin siisay man na minapalis nin bagong arak sa daan na anit na lalagan nin arak, ta mabubusi ini; mauula an arak asin an lalagan na anit mararaot. An bagong arak ipalis sa bagong lalagan na anit, tanganing parehong dai masayang.”

Markos 2:22

Dai nin siisay man na minapalis nin bagong arak sa daan na lalagan na anit, ta mabubusi kan bagong arak an daan na anit asin parehong masasayang an arak saka an lalagan na anit. Kaya, ipalis an bagong arak sa bagong lalagan na anit.”

Lukas 5:37

Mayo man nin minapalis nin bagong arak sa daan na mga lalagan na anit. Kun gibohon niya ini, an bagong arak iyo man sana an mabusi kan daan na mga anit, mauula an arak asin mararaot an mga anit.

Deuteronomio 29:5

Pinangenotan ko kamo sa desyerto sa laog nin kwarentang taon; dai nagdaan an saindong mga gubing asin dai napudpod an saindong mga sandalyas.

Josue 9:12

Hilinga nindo an samong tinapay; mainit pa ini kan maghale kami sa harong asin magpoon kaming maglakaw tanganing makihampang saindo. Alagad hilinga! Ngunyan matagas na ini asin alamagon.

Josue 9:14

Inako kan mga kamagurangan an pagkakan ninda, alagad dai ngona nakihumapot sa Kagurangnan.

Josue 9:4

asin nagkaoroyon sinda na dayaon si Josue. Nagkurua sinda nin mga pagkakan asin kinargahan ninda an saindang mga asno nin mga daan na sako saka mga may tagubhang na anit na laogan nin arak.

Josue 9:5

Nagsulot sinda nin mga girising gubing asin pudpod na mga sandalyas. Nagbalon sinda nin mga tinapay na matagas na asin alamagon.