Josue 9:1 - Marahay na Bareta Biblia

¹ An mga kapangganahan kan Israel nabaretaan kan gabos na hade sa solnopan kan Jordan—sa kabubuldan, sa kababan, asin sa baybayon kan Dagat nin Mediteraneo sagkod sa Lebanon, sa parteng amihan. Sinda iyo an mga hade kan mga Heteo, Amoreo, Cananeo, Perezeo, Heveo, asin mga Jebuseo.

Josue 9:1 ပူးပေါင်းရင်းမြစ်များ

2 Samuel 24:7

Dangan nagduman sinda sa bantayan nin Tiro, bago nagpasiring sa gabos na syudad kan mga Heveo saka kan mga Cananeo. Pakatapos, nagduman sinda sa Beer-sheba, sa habagat na parte kan Juda.

Exodo 23:23

Mangengenotan sa saindo an sakong anghel pasiring sa daga kan mga Amoreo, Heteo, Perezeo, Cananeo, Heveo asin Jebuseo dangan paparaon ko sinda gabos.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 34:11

Otobon nindo an ipinagboboot ko ngunyan na aldaw. Mantang kamo naglalaog sa daga, papahaleon ko an mga Amoreo, Cananeo, Heteo, Perezeo, Heveo asin Jebuseo.

Mga Bilang 13:29

An mga Amalekita nag-eerok sa habagat na parte kan daga nin Canaan; an mga Heteo, Jebuseo, asin Amoreo nag-eerok sa mabulod na daga, asin an mga Cananeo nag-eerok sa baybayon kan Dagat nin Mediteraneo dangan sa pangpang kan Salog nin Jordan.”

Mga Bilang 34:6

“An pagdolonan sa solnopan iyo an Dagat nin Mediteraneo.

Deuteronomio 1:7

Maghale na kamo asin magpasiring sa mabulod na daga kan mga Amoreo asin sa gabos na rehiyon sa palibot—sa Kapantayan nin Jordan, sa kabubuldan asin mga kababan, sa habagat na parte kan daga nin Canaan, asin sa baybayon kan Mediteraneo. Magduman kamo sa daga nin Canaan, sa Lebanon, sagkod sa dakulang Salog nin Eufrates.

Deuteronomio 3:25

O Kagurangnan, tugotan mo akong makabalyo sa Salog nin Jordan asin mahiling an matubang na daga duman, an magayon na kabubuldan asin an kabukidan nin Lebanon.’

Deuteronomio 4:49

kaiba an bilog na rehiyon sa sirangan na parte kan Salog nin Jordan, sagkod sa Gadan na Dagat sa parteng habagat asin sagkod sa pamitisan kan Bukid nin Pisga sa parteng sirangan.

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Josue 1:15

sagkod na masakop ninda an dagang nasa solnopan kan Jordan, daga na itinatao sainda nin Kagurangnan na saindang Dios. Kun an gabos na tribu nin Israel tawan na kan Kagurangnan nin kapahingaloan, pwede na kamong magbalik digdi asin mag-erok sa daga na nasa sirangan kan Jordan, daga na itinao saindo ni Moises na sorogoon nin Kagurangnan.”

Josue 1:4

Magpoon sa kalangtadan sa habagat, an saindong pagdolonan makakaabot sagkod sa kabukidan nin Lebanon sa amihan; magpoon sa Salog nin Eufrates sa sirangan pasiring sa daga kan mga Heteo, sagkod sa Dagat nin Mediteraneo sa solnopan.

Josue 10:23

Kaya binukasan ninda an lungib asin ilinuwas an mga hade kan Jerusalem, Hebron, Jarmut, Lakis saka Eglon

Josue 11:17

An teritoryo minapoon sa Bukid nin Halak sa habagat harani sa Edom, sagkod sa Baal-gad sa amihan, sa Kapantayan nin Lebanon sa habagat kan Bukid nin Hermon. Haloy na nakigera si Josue sa mga hade kan teritoryong idto, alagad nabihag niya sinda gabos asin saiyang ginadan.

Josue 13:5

an daga kan mga Gibalita; an bilog na Lebanon sa sirangan, magpoon sa Baal-gad sa habagat kan Bukid nin Hermon, sagkod sa Dalan nin Hamat.

Josue 15:12

na iyo an pagdolonan sa solnopan. Sa laog kan mga pagdolonan na ini nag-erok an mga pamilya kan tribu ni Juda.

Josue 22:4

Ngunyan, an kapwa nindo Israelita tinawan na nin katoninongan nin Kagurangnan na saindong Dios, siring sa saiyang panuga. Kaya magbalik na kamo sa dagang pinili nindo bilang kahirasan, an daga sa sirangan kan Jordan na itinao saindo ni Moises, na sorogoon nin Kagurangnan.

Josue 23:4

Itinao ko na saindo bilang pamana kan saindong mga tribu an mga dagang dai pa nasasakop, siring man an gabos na daga kan mga banwaan na nasakop ko na, magpoon sa Salog nin Jordan sa parteng sirangan sagkod sa Dagat nin Mediteraneo sa parteng solnopan.

Josue 24:11

Nagbalyo kamo sa Jordan dangan nakaabot sa Jerico. Linabanan kamo kan mga taga Jerico, siring man kan mga Amoreo, Perezeo, Cananeo, Heteo, Gergeseo, Heveo, asin kan mga Jebuseo. Alagad pinapanggana ko kamo laban sa sainda gabos.

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Josue 6:27

An Kagurangnan danay na kaibahan ni Josue, asin an dangog niya nakalakop sa bilog na daga.

Josue 9:7

Alagad nagsimbag an mga kalalakihan nin Israel, “Tano ta makikipagtipan kami saindo? Tibaad harani man sana an pinag-eerokan nindo.”