Josue 8:33 - Marahay na Bareta Biblia

³³ An mga Israelita, kairiba an saindang mga lider, an mga opisyal, an mga hukom, asin an mga dayuhan na nakikihimanwa sainda, nagtirindog sa mag-ibong kan Kaban nin Tipan nin Kagurangnan, nakaatubang sa mga pading Levita na nagdadara kaiyan. An kabanga kan mga tawo nakatalikod sa Bukid nin Gerizim, asin an kabanga nakatalikod sa Bukid nin Ebal. Arog kaini an pagboot ni Moises na gibohon ninda pag-abot kan panahon na maako na sinda kan bendisyon.

Josue 8:33 ပူးပေါင်းရင်းမြစ်များ

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Levitico 24:22

Saro sanang togon an masakop kan gabos, Israelita man o dayuhan. Ako an Kagurangnan na saindong Dios.”

Mga Bilang 15:15

Sagkod lamang, saro sana an pagsusundon nindo asin kan mga dayuhan na nag-eerok sa kaibahan nindo. Sa atubangan nin Kagurangnan, kamo saka an mga dayuhan pareho sana;

Mga Bilang 15:16

magkakaigwa nin saro sanang togon asin saro sanang pagsusundon para saindo saka para sa dayuhan na nag-eerok sa kaibahan nindo.

Mga Bilang 15:29

Igwa nin parehong pagsusundon para sa dai tuyong nagkasala, Israelita man o nakikihimanwa na dayuhan.

Juan 4:20

An samong mga ginikanan nagsamba sa Dios sa bukid na ini, alagad kamong mga Judio nagsasabi na sa Jerusalem sana dapat na magsamba sa Dios.”

Deuteronomio 11:29

Kun darahon na kamo nin Kagurangnan duman sa daga na masasadirihan nindo, sambiton nindo an bendisyon duman sa Bukid nin Gerizim, asin an maldisyon duman sa Bukid nin Ebal. (

Deuteronomio 31:12

Tiponon nindo an gabos na lalaki, babae, aki sagkod an mga dayuhan na nag-eerok sa saindong mga banwa, tanganing madangog ini kan gabos asin makanood sinda na matakot sa Kagurangnan na saindong Dios, asin maimbod na magkuyog kan saiyang mga katukdoan.

Deuteronomio 31:25

Pakatapos, sinabihan niya an mga pading Levita na namamahala kan Kaban nin Tipan nin Kagurangnan,

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 23:2

kaya inapod niya an bilog na Israel, an kamagurangan, an mga lider, an mga hukom asin an mga opisyal kan banwaan. Tinaraman sinda ni Josue, “Gurang na akong marahay.

Josue 24:1

Tinipon ni Josue sa Shekem an gabos na tribu kan Israel. Inapod niya an kamagurangan, an mga lider, an mga hukom, sagkod an mga opisyal kan Israel, dangan nag-atubang sinda sa Dios.

Josue 3:14

Tig-anihan kaidto, asin baha an salog. Kan maghale sa kampo an mga Israelita tanganing magbalyo sa Jordan, nagpaenotan sainda an mga padi na dara an Kaban nin Tipan. Pagtungtong kan mga padi sa salog,

Josue 3:3

dangan nagsabi sa mga tawo, “Kun mahiling nindo an mga padi na dara an Kaban nin Tipan nin Kagurangnan na saindong Dios, tiriklopon na nindo an saindong mga tolda asin magsunod kamo sainda.

Josue 3:6

Dangan sinabihan niya an mga padi na pasanon an Kaban nin Tipan asin mag-enot sa mga tawo. Sinunod siya ninda.

Josue 4:10

An mga padi nagtirindog sa tahaw kan Jordan sagkod na natapos an mga ipinagboot nin Kagurangnan ki Josue na gibohon kan mga tawo. Ini an ipinagboot ni Moises. Naghidali an mga tawo sa pagbalyo sa salog.

Josue 4:18

asin kan makaabot na sa pangpang kan salog an mga padi, nagbulos giraray an tubig asin binaha kaiyan an pangpang kan salog.

Josue 6:6

Inapod ni Josue an mga padi dangan sinabihan, “Kuahon nindo an Kaban nin Tipan asin magpaenotan an pito saindo na may darang mga trompeta.”