Josue 8:31 - Marahay na Bareta Biblia

³¹ Ginibo niya ini siring sa ipinagboot ni Moises sa mga Israelita, siring sa sinasabi sa Katogonan ni Moises: “sarong altar na gibo sa gapo na dai sinapsapan nin lansang na kasangkapan.” Sa ibabaw kan altar na idto nagdolot sinda sa Kagurangnan nin mga tinutong na atang asin mga dolot para sa katoninongan.

Josue 8:31 ပူးပေါင်းရင်းမြစ်များ

2 Mga Hade 14:6

Alagad dai niya ipinagadan an mga aki ninda, kundi sinunod niya an pagboot nin Kagurangnan sa katogonan ni Moises: “An mga magurang dai gagadanon para sa kasalan na ginibo kan saindang mga aki, ni an mga aki para sa kasalan na ginibo kan saindang mga magurang. An sarong tawo gagadanon para sa kasalan na siya nanggad an naggibo.”

2 Mga Hade 22:8

An pagboot kan hade itinao ni Safan ki Hilkias. Dangan sinabihan ni Hilkias an sekretaryo na si Safan, “Nakua ko sa Templo an libro kan Katogonan.” Itinao niya an libro ki Safan asin binasa ini ni Safan.

2 Mga Cronica 25:4

Alagad dai niya ipinagadan an mga aki ninda, kundi sinunod niya an pagboot nin Kagurangnan sa Katogonan ni Moises, “An mga magurang dai gagadanon para sa kasalan na ginibo kan saindang mga aki; ni an mga aki para sa kasalan na ginibo kan saindang mga magurang. An sarong tawo gagadanon sana para sa kasalan na siya nanggad an nakaginibo.”

2 Mga Cronica 35:12

Dangan an mga hayop para sa tinutong na atang binaranga ninda sa mga tawo, sosog sa saindang mga pamilya, tanganing idolot sa Kagurangnan, sosog sa nasusurat sa libro ni Moises.

Esdras 6:18

Pinili saka pinaggrupo-grupo man ninda an mga padi saka mga Levita na malingkod sa Templo sa Jerusalem, sosog sa katukdoan na nasusurat sa libro ni Moises.

Nehemias 13:1

Kan basahon sa mga tawo an Katogonan ni Moises, nabasa ninda digdi na ipinapangalad sa kiisay man na Ammonita o Moabita na mag-ayon sa banwaan nin Dios;

Exodo 18:12

Dangan nagdolot si Jetro nin tinutong na atang asin nin iba pang mga dolot sa Dios. Nag-abot si Aaron kaiba an gabos na lider nin Israel tanganing sa kaibahan kan panugangan ni Moises magkarakan sinda sa atubang nin Dios.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Mateo 12:26

Kaya kun si Satanas an magpaluwas ki Satanas siya mismo mababanga; paanong magdanay an saiyang kahadean?

Deuteronomio 27:2

Sa aldaw na makabalyo kamo sa Salog nin Jordan asin makalaog sa daga na itinatao saindo nin Kagurangnan na saindong Dios, magtambak kamo nin mga darakulang gapo, na saindong sesementohon sa palibot,

Deuteronomio 27:8

Sa mga gapo na sinemento, isurat nindo nin malinaw an gabos na togon nin Dios.”

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.