Josue 8:29 - Marahay na Bareta Biblia

²⁹ Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.

Josue 8:29 ပူးပေါင်းရင်းမြစ်များ

2 Samuel 18:17

Kinua ninda an bangkay ni Absalom asin ihinulog sa sarong hararom na kalot duman sa kadlagan dangan tinahoban ninda an kalot nin sarong dakulang tambak nin gapo. Nagdurulag an mga Israelita; an lambang saro sa saiyang harong.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Salmo 107:40

ipinahiling niya an saiyang kabaldian sa mga nang-aapi sainda, asin linagalag niya sinda sa mga desyerto na mayong dalan.

Salmo 110:5

Yaon sa too mo an Kagurangnan; an mga hade dadaogon niya, kun siya maanggot.

Juan 19:31

An aldaw na idto bisperas nin Paskwa kaya habo an mga Judio na mawalat sa krus an mga bangkay sa aldaw na Sabbath huli ta banal na aldaw ini. Kaya hinagad ninda ki Pilato na ipabari niya an mga tabay kan mga ipinako sa krus dangan haraleon duman an mga bangkay.

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

Josue 10:30

Itinao man nin Kagurangnan sa mga Israelita an kapangganahan laban sa syudad asin sa hade duman. Ginadan ninda an gabos na yaon duman asin mayo sindang itinadang buhay. Ginibo ninda sa hade kan Libna an ginibo ninda sa hade kan Jerico.

Josue 10:33

Uminabot si Hadeng Horam kan Gezer sa pagtabang sa Lakis, alagad siya asin an saiyang hukbo dinaog ni Josue; mayo sainda nin itinadang buhay.

Josue 12:9

Dinaog kan mga Israelita an mga hade kan mga syudad na ini: Jerico, Ai (harani sa Betel),

Josue 7:26

dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.

Josue 8:23

Alagad dinakop ninda an hade kan Ai asin dinara ki Josue.