Josue 8:21 - Marahay na Bareta Biblia

²¹ Kan mahiling ni Josue asin kan saiyang mga soldados na sakop na kan iba nindang kairiba an syudad saka nagkakalayo na ini, nagbaralik sinda asin ginaradan an mga taga Ai.

Josue 8:21 ပူးပေါင်းရင်းမြစ်များ

2 Samuel 10:9

Nahiling ni Joab na sasalakayon siya kan mga kaiwal sa atubangan asin sa likodan, kaya pinili niya an pinakamarahay na mga soldados nin Israel dangan iyo an pinaatubang niya sa mga taga Siria.

Josue 10:1

Nabaretaan ni Adonizedek, an hade kan Jerusalem, na sinakop asin rinaot nang padagos ni Josue an Ai saka ginadan an hade duman, siring kan ginibo niya sa Jerico asin sa hade duman. Nabaretaan man ni Adonizedek na nakipagtipan sa mga Israelita an mga taga Gibeon asin nag-eerok na sinda sa kaibahan kan mga Israelita.

Josue 8:20

Kan magsalingoy an mga taga Ai, nahiling ninda an aso na nag-iitaas. Dai na sindang madudulagan, huli ta an mga Israelita na nagdurulag pasiring sa desyerto nagbaralik gabos tanganing labanan sinda.

Josue 8:22

An mga Israelitang nasa syudad nagruluwas tanganing tabangan sinda. Kaya napalibotan nanggad kan mga Israelita an mga taga Ai. Nagadan gabos an mga taga Ai asin dai nin nakadulag o nakaligtas maski saro sainda.