Josue 8:2 - Marahay na Bareta Biblia

² Gigibohon nindo sa Ai asin sa saiyang hade an ginibo nindo sa Jerico saka sa saiyang hade; alagad ngunyan pwede nindong kuahon an saindang mga pagsadiri asin mga hayop. Mag-andam kamo sa biglang pagsalakay sa syudad hale sa likodan.”

Josue 8:2 ပူးပေါင်းရင်းမြစ်များ

2 Mga Cronica 13:13

Nagsugo si Jeroboam nin nagkapira sa saiyang hukbo tanganing salakayon sa likodan an mga taga Juda mantang an iba nasa atubang ninda.

2 Mga Cronica 20:22

Kan nagpoon na sindang mag-awit, ginibo nin Kagurangnan na magkariribong an mga hukbo nin Ammon, Moab saka Edom.

Salmo 39:6

totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 28:20

An onestong tawo mag-aako nin dakul na bendisyon, alagad an naghihidali sa pagyaman papadusahan.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Deuteronomio 2:35

Sinamsam ta an mga hayop asin mga pagrogaring.

Deuteronomio 20:14

Alagad pwede nindong kuahon para saindo an mga babae, mga aki, mga hayop sagkod an gabos na yaon sa syudad. Pwede nindong gamiton an gabos na pagrogaring kan saindong mga kaiwal; iyan gabos itinao saindo nin Kagurangnan.

Deuteronomio 3:2

Alagad nagtaram sako an Kagurangnan, ‘Dai ka matakot saiya; itatao ko siya sa saimong kamot, an saiyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo na nag-erok sa Hesbon.’

Josue 10:1

Nabaretaan ni Adonizedek, an hade kan Jerusalem, na sinakop asin rinaot nang padagos ni Josue an Ai saka ginadan an hade duman, siring kan ginibo niya sa Jerico asin sa hade duman. Nabaretaan man ni Adonizedek na nakipagtipan sa mga Israelita an mga taga Gibeon asin nag-eerok na sinda sa kaibahan kan mga Israelita.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.

Josue 6:21

Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

Josue 8:12

Linaen niya an may limang ribong lalaki asin pinatago sa solnopan kan syudad, sa pagultanan kan Ai saka Betel.

Josue 8:14

Kan mahiling kan hade nin Ai an mga soldados ni Josue, naghidali siya asin an gabos niyang soldados sa pagduman sa Kapantayan nin Jordan tanganing labanan an mga Israelita; dai niya aram na sasalakayon sinda hale sa likodan.

Josue 8:19

asin pakaitaasan niya kan saiyang kamot, nagruluwas tolos an mga soldados na nagtarago, naglaog sa syudad asin sinakop idto. Hidali nindang sinulo an syudad.

Josue 8:24

Ginaradan kan mga Israelita an gabos na kaiwal duman sa kalangtadan na pinaglamagan sainda. Dangan nagbalik sinda sa Ai asin ginaradan an mga tawo duman.

Josue 8:3

Kaya nag-andam si Josue tanganing magduman sa Ai kaiba an gabos niyang soldados. Nagpili siya nin treynta mil na maiisog na soldados asin pinalakaw niya sinda pagkabanggi.

Josue 8:7

Dangan maluwas kamo sa saindong pinagtatagoan asin sasakopon nindo an syudad. Itatao iyan saindo nin Kagurangnan na saindong Dios.

Josue 8:8

Pakatapos nindong masakop an syudad, suloon nindo iyan, siring sa ipinagboot nin Kagurangnan. Iyan an mga pagboot ko saindo.”

Josue 8:9

Kaya pinalakaw sinda ni Josue asin nagduman sinda sa lugar na saindang pagtatagoan asin naghalat duman, sa solnopan kan Ai, sa pagultanan kan Ai saka Betel. Alagad sa laog kan kampo nagpalihis kan banggi si Josue.

Josue 9:3

Alagad an ginibo ni Josue sa Jerico asin sa Ai nabaretaan kan mga Heveong taga Gibeon,