Josue 8:18 - Marahay na Bareta Biblia

¹⁸ Dangan tinaraman nin Kagurangnan si Josue, “Ituro mo sa Ai an saimong garod; itinatao ko iyan saimo.” Ginibo ni Josue an itinaram saiya,

Josue 8:18 ပူးပေါင်းရင်းမြစ်များ

An Libro ni Job 15:25

“Huli ta ibinikyaw niya an saiyang kamot tumang sa Dios asin dai niya minidbid an Makakamhan.

An Libro ni Job 39:23

Sa ibabaw niya nagkakarantog an lalagan nin mga bosog, an nagsisilyab na garod asin an bodyak.

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 8:1

Dangan nagtaram an Kagurangnan ki Moises, “Dumuman ka sa hade asin sabihan mo siya na ini an itinaram nin Kagurangnan, ‘Tugotan mong humale an sakuyang banwaan tanganing makapagsamba sinda sako.

Exodo 8:5

Nagtaram an Kagurangnan ki Moises, “Sabihan mo si Aaron na unaton an saiyang kamot na may sugkod sa tangod kan mga salog, mga kanal, saka mga sapa tanganing paluwason an mga talapang asin panoon kaini an daga nin Egipto.”

Ezekiel 30:25

Papaluyahon ko siya asin papakosogon ko an hade nin Babilonia. Kun itao ko na sa hade nin Babilonia an sakuyang espada dangan ibingat na niya iyan sa Egipto, maaraman kan gabos na ako an Kagurangnan.

Josue 8:17

Naglamag sa mga Israelita an gabos na lalaki sa Ai, asin nawalat na bukas asin mayong bantay an syudad.

Josue 8:19

asin pakaitaasan niya kan saiyang kamot, nagruluwas tolos an mga soldados na nagtarago, naglaog sa syudad asin sinakop idto. Hidali nindang sinulo an syudad.

Josue 8:7

Dangan maluwas kamo sa saindong pinagtatagoan asin sasakopon nindo an syudad. Itatao iyan saindo nin Kagurangnan na saindong Dios.

1 Samuel 17:41

Naglakaw pasiring ki David si Goliat; nasa enotan ni Goliat an paradara kan saiyang kalasag.

1 Samuel 17:45

Nagsimbag si David, “Nagdigdi ka sako na may espada, garod asin kalasag, alagad nagdigdi ako saimo sa ngaran nin Kagurangnan, an Dios kan mga hukbo nin Israel, na saimong tinumangan.

1 Samuel 17:6

Igwa man siya nin pantahob na bronse sa saiyang mga tabay, saka may pasan siya na sarong garod na bronse,