Josue 8:1 - Marahay na Bareta Biblia

¹ Tinaraman nin Kagurangnan si Josue, “Darahon mo an gabos mong soldados asin magduman kamo sa Ai. Dai kamo matakot o manluya. Tatawan ko kamo nin kapangganahan laban sa hade kan Ai; mapapasaindo an saiyang mga nasasakopan, syudad asin daga.

Josue 8:1 ပူးပေါင်းရင်းမြစ်များ

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Jeremias 46:27

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, sa daga na pinagbilanggoan saindo. Mapuli kamo saka mamumuhay na matoninong; magigin matiwasay kamo, asin mayong mapatakot saindo.

Jeremias 49:3

Magtangis kamo, mga taga Hesbon, huli ta rinaot na an Ai! Magmondo kamo, kababaehan nin Rabba! Magsulot kamo nin sako asin manambitan. Magdaralagan kamo sa karibongan. Bibihagon an saindong dios-dios na si Milcom, kaiba an saiyang mga padi saka mga prinsipe.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Mateo 8:26

Sinabihan sinda ni Jesus, “Tadaw ta natatakot kamo? Mga maluya an pagtubod!” Nagbangon si Jesus, pinagbotan niyang magkalma an doros saka an alon, dangan nagkaigwa nin dakulang katoninongan.

Deuteronomio 1:21

Hilinga nindo an daga; lakaw kamo asin sakopon nindo siring sa ipinagboot niya. Dai kamo magduwa-duwa o matakot.’

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Deuteronomio 7:18

Dai kamo matakot sa sainda; giromdomon nindo an ginibo nin Kagurangnan na saindong Dios sa hade asin sa bilog na Egipto.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 10:7

Kaya hale sa Gilgal, nagduman si Josue kaiba an bilog niyang hukbo, asin an pinakamarahay niyang mga soldados.

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”