Josue 7:6 - Marahay na Bareta Biblia

⁶ Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Josue 7:6 ပူးပေါင်းရင်းမြစ်များ

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

2 Samuel 1:11

Sa kamondoan, ginisi ni David an saiyang gubing; siring man an ginibo kan saiyang mga tawohan.

2 Samuel 1:12

Maghapon sindang nagmondo, nagtangis asin nag-ayuno para ki Saul, para ki Jonatan saka para sa Israel, an banwaan nin Kagurangnan, huli ta nagadan sinda sa ralaban.

2 Samuel 1:2

Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Samuel 12:16

Kaya namibi si David sa Dios para sa saiyang aki. Nag-ayuno si David, asin pagkabanggi naglaog siya sa saiyang kwarto dangan pinalihis an bangging nakahigda sa salog.

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

2 Samuel 13:31

Nagtindog an hade, asin ginisi an saiyang gubing dangan naghigda sa daga; ginirisi man kan mga sorogoon na kairiba niya an saindang gubing.

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

2 Mga Cronica 34:19

Kan madangog kan hade an nasusurat sa libro, ginisi niya an saiyang gubing.

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

Nehemias 9:1

Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

Esther 4:1

Kan naaraman ni Mardokeo an gabos na ini, ginisi niya an saiyang gubing huli sa kamondoan. Nagsulot siya nin sako, nagbugtak nin abo sa payo, asin naglibot sa syudad. Makosog siyang naghaya saka mapait na nagtangis,

Esther 4:3

Sa lambang probinsya na inabot kan pagboot asin dekreto kan hade, mapait na nagtangis an mga Judio. Nag-ayuno sinda, naghibi, naghaya asin an kadaklan sainda nagsulot nin sako dangan naghigda sa abo.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

An Libro ni Job 42:6

Kaya nasosopog ako huli kan gabos kong sinabi asin nagsosolsol ako sa alpog saka sa abo.”

Mga Panambitan 2:10

An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Mga Bilang 14:6

Huli sa kamondoan, ginisi ni Josue na aki ni Nun asin ni Caleb na aki ni Jefunne an saindang mga gubing. An duwang espiyang ini, na kaibahan kan mga nagsiyasat kan daga,

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 16:45

“Humarayo kamo sa mga tawong iyan asin tutunawon ko sinda tolos!” Nagdapa sindang duwa,

Mga Gibo 14:14

Alagad kan maaraman ini kan duwang apostol, ginisi ninda an saindang mga sulot na gubing dangan duminalagan sinda sa tahaw kan mga tawo asin nagkurahaw,

Josue 7:7

Dangan nagsabi si Josue, “O Kagurangnan Dios, tano ta ibinalyo mo pa kami sa Jordan? Tanganing itao sa mga Amoreo? Tanganing tunawon kami? Tano ta dai mo na sana kami pinabayaan na mag-erok sa ibong kan Jordan?

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”

Hukom 11:35

kaya kan mahiling siya ni Jefta, ginisi niya an saiyang gubing sa kamondoan dangan nagsabi, “Aki ko, rinoronot mo an puso ko! Tano ta ika pa an magigin dahelan kan sakong kamondoan? Nanuga ako sa Kagurangnan asin dai ko na pwedeng bawion pa iyan!”

Hukom 20:26

Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

Hukom 21:2

Kaya nagduman sinda sa Betel asin nagturukaw sa atubang nin Dios sagkod banggi. Naghaya sinda sa pagmondo.

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.