Josue 7:26 - Marahay na Bareta Biblia

²⁶ dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.

Josue 7:26 ပူးပေါင်းရင်းမြစ်များ

2 Samuel 18:17

Kinua ninda an bangkay ni Absalom asin ihinulog sa sarong hararom na kalot duman sa kadlagan dangan tinahoban ninda an kalot nin sarong dakulang tambak nin gapo. Nagdurulag an mga Israelita; an lambang saro sa saiyang harong.

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

Esdras 10:14

Kaya an mga opisyal na sana nyamo an mamahala kaini. Dangan an siisay man na igwa nin dayuhan na agom kaipuhan na magdigdi sa talaan na panahon, kaiba an mga lider asin an mga hukom kan saiyang syudad. Sa paaging ini, mahahale sato an kaanggotan nin Dios huli sa bagay na satong naginibo.”

Salmo 85:4

Ibalik mo kami, O Dios nin samong kaligtasan; halea an saimong hinanakit sa samo.

Exodo 32:12

Tadaw ta tatawan mo nin dahelan an mga Egipcio na magsabi na hinale mo sa Egipto an mga Israelita tanganing gadanon sa kabukidan asin paraon sa daga? Dai ka na maanggot sa sainda; hare na pagdagosa an saimong iniisip na pagtunaw sa saimong banwaan.

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Mga Panambitan 3:53

Buhay pang itinapok ninda ako sa kalot dangan tinahoban ini nin sarong dakulang gapo.

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Oseas 2:17

Dai ko na nanggad siya tutugotan na sambiton pa an ngaran ni Baal.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Joel 2:18

Dangan ipinahiling nin Kagurangnan an saiyang pagmakulog sa saiyang daga; naherakan niya an saiyang banwaan.

Jonas 1:15

Dangan binuhat ninda si Jonas asin itinapok sa dagat; tolos na nagkalma ini.

Zacarias 6:8

Dangan kinurahawan ako kan anghel, “Pinakulpa na an kaanggotan kan Kagurangnan kan mga kabayong nagduman sa Babilonia sa amihan.”

Mga Bilang 25:8

Sinunod niya an lalaking may darang babae sa tolda asin tinuhog niya kan garod an duwa. Huli kaini uminontok an peste sa Israel,

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 13:18

kun kuyogon nindo an saiyang mga togon na ipinagboot ko saindo ngunyan na aldaw, asin gibohon nindo an matanos sa atubang nin Kagurangnan na saindong Dios.

Josue 10:27

Pagsolnop kan aldaw nagboot si Josue, asin an saindang mga bangkay ibinaba sa nabibitayan dangan itinapok sa lungib na pinagtagoan ninda. Binurugtakan nin darakulang gapo an laogan kan lungib asin sagkod ngunyan yaon pa an mga gapo.

Josue 7:24

Si Acan, an plata, an gubing asin an bara nin bulawan dinara ni Josue asin kan mga Israelita sa Kapantayan nin Acor. Dinara man ninda an mga aki ni Acan, an saiyang mga baka, asno, sagkod an mga karnero, an saiyang tolda asin an gabos niyang pagsadiri.

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.