Josue 7:25 - Marahay na Bareta Biblia

²⁵ Nagsabi si Josue, “Tano ta dinarahan mo kami nin kasakitan? Ngunyan ika an papasakitan nin Kagurangnan! Kaya ginapo ninda si Acan sagkod na magadan; ginapo man ninda asin sinulo an saiyang pamilya sagkod pagsadiri

Josue 7:25 ပူးပေါင်းရင်းမြစ်များ

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

Genesis 38:24

Pakalihis nin tolong bulan, igwang nag-osip ki Juda, “Nagin maraot na babae an manugang mong si Tamar asin bados siya ngunyan.” Nagboot si Juda, “Iluwas nindo siya asin suloon sagkod na magadan.”

1 Mga Cronica 2:7

Si Acan, na aking lalaki ni Carmi, iyo an nagdara nin kasakitan sa banwaan nin Israel, huli sa pagtago kan mga sinamsam na ipinanongod na sa Dios.

Mga Talinhaga 1:19

Siring kaiyan an nangyayari sa kiisay man na nabubuhay sa kadahasan; an panghahabon iyo an magadan sa mahabon.

Mga Talinhaga 15:27

An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Levitico 20:14

Kun agomon nin sarong lalaki an sarong babae asin an ina kaini, susuloon sindang tolo sagkod na magadan huli ta guminibo sinda nin sarong bagay na makasosopog; dai kamo magtugot na mangyari an siring sa saindo.

Levitico 20:2

na sabihan an mga Israelita, “An siisay man saindo o sa mga dayuhan na nakikihimanwa sa saindo, na magtao kan arin man sa mga aki niya tanganing gamiton sa pagsamba ki Molec, gagapoon kan bilog na komunidad sagkod na magadan.

Levitico 21:9

Kun an aking babae nin sarong padi magin sarong maraot na babae, ipinapasopog niya an saiyang ama kaya dapat na suloon siya sagkod na magadan.

Levitico 24:14

“Daraha an lalaking iyan sa luwas kan kampo. An gabos na nakadangog saiya kan maglanghad siya, madoon kan saindang kamot sa saiyang payo, sa pagpatotoo na nagkasala siya. Dangan gagapoon siya kan bilog na komunidad sagkod na magadan.

Galacia 5:12

Mawot ko na an mga tawong nagpaparibok saindo bako sanang magpaserkomsisyon kundi magpakapon pa!

Deuteronomio 13:10

Gapoon nindo siya sagkod na magadan, huli ta irinarayo niya kamo sa Kagurangnan na saindong Dios na nagligtas saindo sa Egipto, saen kamo nagin mga oripon.

Deuteronomio 13:11

Dangan madadangog kan gabos na tawo sa Israel an nangyari; matatakot sinda kaya mayo na nin magibo kan siring na karatan.

Deuteronomio 17:5

darahon nindo an tawong iyan sa luwas kan banwa asin gapoon nindo sagkod na magadan.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Josue 6:18

Alagad dai kamo magkua kan mga bagay na susuloon. Kun magkua kamo nin ano man, magdadara kamo nin kadimalasan asin kadaogan sa bilog na kampo nin Israel.

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

1 Samuel 14:29

Nagsimbag si Jonatan, “Ano ining ginibo kan sakong ama sa satong mga kahimanwa! Hilinga nindo kun gurano karahay an sakong pagmate huli ta nagkakan ako nin kadikit na dugos!