Josue 7:21 - Marahay na Bareta Biblia

²¹ Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

Josue 7:21 ပူးပေါင်းရင်းမြစ်များ

Genesis 10:10

Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia.

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Genesis 34:27

Pakatapos, sinamsam kan iba pang aki ni Jacob an gabos na yaon sa syudad bilang pagbalos sa kasosopgan na inabot kan saindang tugang na babae.

Genesis 6:2

nahiling kan mga aki nin Dios na magagayon an mga aking babae kan mga tawo, kaya inagom ninda an saindang nagustohan.

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

2 Mga Hade 7:8

Kan mag-abot an apat na lalaki sa gilid kan kampo, naglaog sinda sa sarong tolda asin nagkakan saka nag-inom. Kan basog na sinda, sinamsam ninda an plata, bulawan saka mga gubing na nagkahiriling duman. Naghale sinda asin tinago an mga sinamsam. Pakatapos, nagbalik sinda sa ibang tolda, dangan ginibo man digdi an ginibo ninda sa enot.

An Libro ni Job 31:1

“Nanuga ako na dai nanggad ako mahiling na may karigsokan sa sarong daraga.

Salmo 119:37

Iharayo mo ako sa paghiling sa mga mayo nin halaga; magin marahayon ka sako, siring sa saimong panuga.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Mga Talinhaga 1:19

Siring kaiyan an nangyayari sa kiisay man na nabubuhay sa kadahasan; an panghahabon iyo an magadan sa mahabon.

Mga Talinhaga 23:31

Dai ka magpadagka sa arak maski iyan mamahalon, nagkikinang sa baso, saka masiram an namit.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 29:15

Herak man sa mga nagtatago sa Kagurangnan kan saindang mga plano! Ginigibo ninda iyan sa hilom asin naghohona sinda na mayo nin nakakahiling sainda o mayo nin nakakaaram kan saindang ginigibo.

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 12:2

Huli ta mayong natatahoban na dai mahahayag; mayong sekreto na dai makakaluwas.

Efeso 5:3

Huli ta kamo an banwaan nin Dios, bakong tama na maonabihan nindo an mga bagay manongod sa karigsokan, kadustaan o kapasloan.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.

Josue 7:20

Nagsimbag si Acan, “Totoong nagkasala ako sa Kagurangnan, an Dios nin Israel, asin ini an sakong ginibo:

Josue 7:22

Kaya nagsugo si Josue nin nagkapirang lalaki na nagdalagan pasiring sa tolda ni Acan; an mga bagay na susuloon nakua ninda duman kaiba an plata na susuloon.

2 Pedro 2:15

Nagsuhay sinda sa tanos na dalan kaya nalagalag; sinunod ninda an dalan ni Balaam na aki ni Beor, na namoot sa kwarta na tandan sa paggibo nin maraot.