Josue 7:12 - Marahay na Bareta Biblia

¹² Ini an dahelan kun tano ta dai kaya kan mga Israelita na atubangon an mga kaiwal. Nagdulag sinda sa mga kaiwal huli ta kabilang sinda ngunyan sa mga susuloon! Dai ko na kamo iibahan sagkod na dai nindo tinunaw an mga bagay na sinabi kong dai nindo pagkuahon!

Josue 7:12 ပူးပေါင်းရင်းမြစ်များ

Salmo 44:10

Pinadulag mo kami sa samong mga kaiwal; an mga sadiri mi saindang sinamsam.

Salmo 60:10

Isinikwal mo na daw kami, O Dios? Dai ka na daw maiba sa samong mga hukbo?

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Jeremias 23:33

Tinaraman ako nin Kagurangnan, “Jeremias, kun saro sa sakong banwaan o sarong propeta, o sarong padi an maghapot saimo, ‘Ano an mensahe nin Kagurangnan?’ Sabihan mo siya, ‘Saro kang pasanon nin Kagurangnan, asin isisikwal ka niya.’

Jeremias 6:8

Mga taga Jerusalem, magin patanid logod saindo an mga kasakitan na ini. Huli ta kun dai kamo maghinanyog, papabayaan ko kamo. Gigibohon kong sarong desyerto an saindong syudad, sarong lugar na mayo nin nag-eerok.”

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

Mga Bilang 14:39

Kan ipahayag ni Moises sa mga Israelita an itinaram nin Kagurangnan, namondo sinda nin makuri.

Mga Bilang 14:42

Dai kamo magpadagos; mayo sa kaibahan nindo an Kagurangnan asin madadaog kamo kan mga kaiwal.

Mga Bilang 14:43

Sa oras na labanan nindo an mga Amalekita asin mga Cananeo, magagadan kamo; dai kamo iibahan nin Kagurangnan huli ta nagtalikod kamo saiya.”

Mga Bilang 14:45

Sinalakay sinda kan mga Amalekita saka kan mga Cananeo na nag-eerok duman; dinaog sinda kan mga kaiwal asin linamag sagkod sa Horma.

Deuteronomio 7:26

Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

Josue 6:18

Alagad dai kamo magkua kan mga bagay na susuloon. Kun magkua kamo nin ano man, magdadara kamo nin kadimalasan asin kadaogan sa bilog na kampo nin Israel.

Hukom 16:20

Dangan nagkurahaw si Delila, “Samson, uya na an mga Filisteo!” Nagmata si Samson dangan nagsaboot, “Makakaligtas ako siring kan mga enot na nangyari.” Dai pa niya naisihan na binayaan na siya nin Kagurangnan.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 2:4

Pakasabi kaini kan anghel, naghiribi an bilog na banwaan nin Israel.

1 Samuel 14:38

Dangan sinabihan ni Saul an mga lider kan mga tawo, “Madya kamo asin aramon nindo kun anong kasalan an naginibo ngunyan na aldaw.